पोखरा । डिभिजन वन कार्यालय कास्कीले पोखरा महानगरपालिकाका सार्वजनिक स्थानमा रहेका चौतारीका वरपिपलका रुखहरु कटान गरेको आरोपमा ७ जनाविरुद्ध मुद्दा चलाएको छ ।

कार्यालयले पोखरामा कोटीहोम लगाउने भन्दै वरपिपलका रुखहरु कटान गरेको आरोपमा कोटीहोम आयोजक मानवसेवा फाउण्डेशन नेपालका प्रबन्धक विष्णु राज गिरीसहित ७ जनाविरुद्ध जिल्ला अदालत कास्कीमा मुद्धा दायर गरेको हो ।

गिरीसहित पोखरा–१४ का ताराप्रसाद तिवारी, योगमाया बराल, अर्जुनबहादुर कार्की, रामकृष्ण अधिकारी, ज्ञानेन्द्र सार्की र रमेश पौडेलविरुद्ध मुद्दा दायर भएको हो ।

कार्यालयले उनीहरुविरुद्ध वन ऐन, २०७६ को दफा ४९ (घ) वमोजिमको कसुरमा सोही ऐनको दफा ५० को उपदफा (१४) बमोजिम सजाय हुन समेतको अभियोग लगाएको छ ।

पोखरा–१४ स्थित शुभमार्ग टोलमा रहेका चौतारीका वर पिपल लगायतका रूखका हाँगाहरू ऐन, नियमावली अनुसार प्रकृया नै नपु¥याई आफूखुसी काटेको, कानून विपरित सम्झौता गरी समिदा बनाउन कोटिहोमका लागि भनी भरपाई गरी लिने दिने गरेको डिभिजन वन कार्यालयको ठहर छ ।