स्याङ्जाको वालिङमा भएको स्कुटर चोरी प्रकरणमा संलग्न एक युवकलाई प्रहरीले चोरी गरिएको स्कुटर र मोबाइलसहित पक्राउ गरेको छ ।
वालिङ नगरपालिका –८ डुम्रीकोटबाट यहि साउन २० गते राति करिब १:३० बजे ग ११ प ६०२५ नम्बरको होंडा डिओ स्कुटर चोरी भएको भन्ने सूचना प्राप्त भएपछि अनुसन्धानमा जुटेको वडा प्रहरी कार्यालय वालिङको टोलीले साउन २३ गते सोमबार उक्त चोरीमा संलग्न व्यक्तिलाई नियन्त्रणमा लिएको हो ।
पक्राउ पर्नेमा पर्वत जिल्लाको बिहादी गाउँपालिका –३ रातामाटा स्थायी बसोबास गर्दै आएका २६ वर्षीय राजकुमार परियार रहेका छन् । उनलाई स्याङ्जा जिल्लाको वालिङ नगरपालिका –१० स्थित गाहाखोलाबाट नियन्त्रणमा लिई सोधपुछका क्रममा स्कुटर वालिङ –१४ फुलबारीमा लुकाई राखेको खुलाएपछि प्रहरी टोलीले सोही स्थानबाट हराएको स्कुटर फेला पार्न सफल भएको छ ।
पक्राउ परेका परियारको साथबाट चोरी गरिएका थप सामग्रीहरू समेत बरामद गरिएको छ । प्रहरीले उनलाई साथमा रहेको रेड्मी कम्पनीका दुई थान र रियलमी कम्पनीको एक थान गरी जम्मा तीन थान मोबाइल पनि विभिन्न स्थानबाट चोरी गरेको आरोपमा बरामद गरेको जनाएको छ ।
हाल उनलाई आवश्यक कानुनी कारबाहीका लागि प्रक्रिया अघि बढाइएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक प्रसन्नराज चौधरीले जानकारी दिए ।
प्रहरीका अनुसार यस घटनाले चोरीजस्ता आपराधिक गतिविधिमा संलग्न अपराधीहरू प्रहरीको निगरानीबाट उम्कन नसक्ने सन्देश दिएको छ ।
सम्बन्धित खबर
कालीगण्डकी ‘ए’ जलविद्युत केन्द्रमा मर्मत, तीन दिन विद्युत उत्पादन बन्द
गण्डकी प्रदेशका प्रमुख सचिव घिमिरेविरुद्ध पोखरा विमानस्थल भ्रष्टाचार मुद्दा
कृषि लगानीमा लघुवित्त प्रभावकारी, जीवनस्तरमा सकारात्मक परिवर्तन
हरिनासमा आजदेखि आठौं अध्यक्ष कप खेलकुद प्रतियोगिता
पूर्वाधार नपुग्दा पञ्चासे भञ्ज्याङ सुनसान
लिफ्ट दिने बहानामा महिलामाथि दुर्व्यवहार गर्ने एक युवक पक्राउ
यो पनि पढौँ
कास्कीको रुपामा बुबाको हत्या गरेको आरोपमा छोरा पक्राउ
पाेखरामा सुकुम्बासीको आन्दोलन घोषणा
पोखरा विमानस्थल भ्रष्टाचार प्रकरणमा पूर्वमन्त्री कार्कीसहित १४ जनाविरुद्ध मुद्दा दायर
सुदनको आरोप- ‘बालेनमा हिटलर र मुसोलिनी बन्ने सपना जागेको देखिन्छ’