राष्ट्रिय लोक तथा दोहोरी गीत प्रतिष्ठान नेपाल, स्याङ्जाको नेतृत्व जगत गौडेलले सम्हाल्ने भएका छन् । जिल्लाको २४ औं साधारणसभा तथा नवौं अधिवेशनबाट गौडेलको नेतृत्वमा २५ सदस्यीय जिल्ला कार्यसमिति चयन गरिएको हो ।

वालिङ्स्थित वालिङ उद्योग वाणिज्य संघको सभाहलमा शनिबार सम्पन्न अधिवेशनले आगामी तीन वर्षका लागि नयाँ टिम चयन गरेको हो । समितिमा प्रथम उपाध्यक्ष राजेश भण्डारी, द्धितीय उपाध्यक्ष अनिल लम्साल, महिला उपाध्यक्ष तारा पौडेल श्रेष्ठ, सचिव रेशम थापा मगर र सह–सचिव पल बहादुर सिंह(लक्ष्मण) ठकुरी रहेका छन् ।

त्यसैगरी, कोषाध्यक्षमा रबिना गुरुङ र सह–कोषाध्यक्षमा सोम बस्यालले जिम्मेवारी पाएका छन् । सदस्यहरु जीवन थापा, कृष्ण मल्ल ठकुरी, सगुन थापा, यमबहादुर नेपाली, विक्रम संवत, एलिना गुरुङ, सुशील पोख्रेल, भोज कुमारी पौडेल, सुवास गुरुङ, यज्ञ प्रसाद डुम्रे, बत्ती थापा, लिल बहादुर थापा, ज्ञानीमाया माया गुरुङ शिला चयन भएका चयन भएको प्रतिष्ठानका निवर्तमान अध्यक्ष नेत्र खड्काले जानकारी दिए ।

यस्तै, प्रतिष्ठानले प्रतीक्षा काफ्ले, मन्जु खनाल र सुरेश विकलाई सदस्यमा मनोनीत गरेको छ भने एक सदस्य पछि मनोनीत गरिने अध्यक्ष जगत गौडेलले बताए ।

अधिवेशनको उद्घाटन प्रतिष्ठानका केन्द्रीय वरिष्ठ उपाध्यक्ष पशुपति शर्माले गरेका थिए । कार्यक्रममा कलाकार राजु गुरुङ, रामजी खाँण, श्याम रानासहितका कलाकारहरूले सांस्कृतिक प्रस्तुति दिएका थिए ।