‘पोखरा विन्टर फेष्ट’ मा प्रस्तुति दिन चर्चित भारतीय कलाकार सञ्जु राठोड पोखरा आइपुगेका छन् ।

पोखरा लेकसाइड खहरेमा रहेको क्लब क्याटवाकमा अहिले बेलुकी ८ बजेबाट सुरु हुने फेस्टका लागि राठोड पोखरा आइपुगेका हुन् । पोखरा विमानस्थलमा प्रचारका आशिष पुरी लगायतले उनलाई स्वागत गरेका छन् ।

प्रचार नेपाल, अर्बिट्रेरि इभेन्ट र स्पेक्स–१४ को आयोजनामा हुने फेष्टमा राठोडसहितका कलाकारले प्रस्तुति दिनेछन् । राठोडका गुलाबी सारी, सन्दारी, गल्ती से मिस्टेक, चाल सिके सिके जस्ता गीत चर्चित छन् ।

फेष्टमा राठोडसँगै एसटी म्यान, राजन केसीसहित कलाकारको प्रस्तुती रहनेछ । र्‍याप भर्स र लाइभ परफर्मेन्सका लागि चर्चित एसटी म्यानका बोमबे, सिनेमा, झोला ग्याङ जस्ता गीतहरु चर्चित छन् ।

युवामाझ लोकप्रिय उदीयमान कलाकार राजन केसीले फेष्टको सुरुआतमा प्रस्तुति दिनेछन् । फेष्टका लागि खल्तीमार्फत टिकट काट्न सकिनेछ ।