फागुन २१ गते सम्पन्न प्रतिनिधिसभा सदस्य निर्वाचनअन्तर्गत स्याङ्जा निर्वाचन क्षेत्र नम्बर–१ को मतगणनामा राष्ट्रिय स्वतन्त्र पार्टीका उम्मेदवार डा. धनञ्जय रेग्मीले अग्रता कायम राखेका छन् ।

हालसम्म सार्वजनिक भएको मतपरिणामअनुसार रेग्मीले ४ हजार ९४७ मत प्राप्त गरेका छन् । उनका निकटतम प्रतिस्पर्धी नेपाली कांग्रेसका भरतराज ढकालले ४ हजार ३७३ मत ल्याएका छन् । यससँगै रेग्मी र ढकालबीच ५७४ मतको अन्तर देखिएको छ ।

त्यसैगरी, नेकपा एमालेका उम्मेदवार मिनप्रसाद गुरुङले ३ हजार ७८७ मतसहित तेस्रो स्थानमा रहेका छन् ।

मुख्य निर्वाचन अधिकृतको कार्यालयका अनुसार अहिलेसम्म हरिनास गाउँपालिकाका ७ वटा वडा र अर्जुनचौपारी गाउँपालिकाका ६ वटा वडाको मतगणना सकिएको छ । यी क्षेत्रबाट जम्मा १४ हजार ८३८ मत गणना हुँदा ७४० मत बदर भएको जनाइएको छ ।

हिजो सम्पन्न मतदानमा यस क्षेत्रमा कुल १ लाख ३१ हजार ५१ मतदाता रहेकोमा ७१ हजार ३५० मत खसेको थियो । शुक्रबार राति दुई बजेदेखि सुरु गरिएको मतगणना कार्य अझै जारी रहेको छ ।