स्याङ्जाको वालिङ नगरपालिका वडा नम्बर–१० भकुण्डेचोकस्थित सिद्धार्थ राजमार्गमा प्रहरीले लागूऔषधसहित दुई युवकलाई पक्राउ गरेको छ ।
पक्राउ पर्नेमा पुतलीबजार नगरपालिका–१३ का १८ वर्षीय आशिष विक र पुतलीबजार–११ का १८ वर्षीय अग्निज गुरुङ रहेका छन् ।
गए राति वडा प्रहरी कार्यालय वालिङबाट खटिएको प्रहरी गस्ती टोलीले शंकास्पद रूपमा हिँडिरहेका दुई जनालाई जाँच गर्दा उनीहरूबाट लागूऔषध बरामद भएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक (डिएसपी) प्रसन्न राज चौधरीले जानकारी दिए ।
जाँचका क्रममा उनीहरूले बोकेको झोलाभित्र लुकाइछिपाइ राखिएको अवस्थामा बुप्रेनोर्फिन इन्जेक्सन ३ एम्पुल, फेनेरगन ४ एम्पुल र डाइजेपाम ४ एम्पुल फेला परेको डिएसपी चौधरीले बताए ।
पक्राउ परेका दुवैजनालाई लागूऔषध मुद्दामा अनुसन्धान अघि बढाइएको छ । यस सम्बन्धमा स्याङ्जा जिल्ला अदालतबाट सात दिनको म्याद थप अनुमति लिएर आवश्यक अनुसन्धान भइरहेको प्रहरीले जनाएको छ ।
सम्बन्धित खबर
स्याङ्जामा चिप्लिएर नहरमा खसेका वृद्धको मृत्यु
माइक्रो बस र मोटरसाइकल ठोक्किँदा दुई जना घाइते
१८ वर्षअघि गर्भवती महिलाको मृत्यु प्रकरणमा एक महिला थुनामा, अर्की धरौटीमा छुटिन्
बालिका बेचबिखनको आरोपमा एक जना कारागार चलान
स्याङ्जाको नवग्रह मन्दिरको संरक्षणका लागि बजेट छुट्याइयोस् : सचेतक राई
नवग्रह मन्दिरमा ५ लाख ४४ हजारभन्दा बढी मन्त्रजप
यो पनि पढौँ
तीज मनाउन भदैसँग माइत हिँडेकी महिलाको दुपट्टा मोटरसाइकल चक्कामा बेरिएर बाटैमा ज्यान गयो
स्याङ्जामा गोठमा अचेत भेटिएकी महिलाको मृत्यु
सुजल डेरीद्वारा पोखराको लेकसाइडमा ‘लभबर्ड्स प्रिमियम आइसक्रिम’ को चौथो पार्लर सञ्चालन
रवि लामिछानेको मुद्दा फिर्ता गर्न अनुमति दिने न्यायाधीश अवकासको चार दिनअघि बढुवा