खानेपानी तथा सरसफाई डिभिजन कार्यालय स्याङ्जाले लिफ्टिङ खानेपानी आयोजनालाई विद्युत् महसुल वापत ४८ लाख ५७ हजार ६५२ रुपैयाँ अनुदान वितरण गरेको छ ।
स्याङ्जा र कास्की जिल्लाका खानेपानी योजना हेर्दै आएको कार्यालयले चालू आर्थिक वर्ष २०८२/८३ को पहिलो छ महिनाका लागि १०६ वटा आयोजनालाई उक्त अनुदान उपलब्ध गराएको जनाएको छ ।
कार्यालयका अनुसार स्याङ्जाका ७४ वटा योजनाले २६ लाख ५६ हजार १७ रुपैयाँ प्राप्त गरेका छन् भने कास्कीका ३२ आयोजनालाई २२ लाख एक हजार ६३५ रुपैयाँ अनुदान दिइएको छ ।
प्रदेश सरकारले लिफ्टिङ खानेपानी आयोजनामा लाग्ने विद्युत् महसुलमा सहुलियत दिने नीति लागू गरेपछि आर्थिक वर्ष २०८२/८३ मा उक्त रकम वितरण गरिएको हो ।
कार्यालय प्रमुख किरण पौडेलले नागरिकलाई स्वच्छ, गुणस्तरीय र सुरक्षित खानेपानी सेवा उपलब्ध गराउने उद्देश्यले विद्युत् महसुलमा अनुदान कार्यक्रम सञ्चालन गरिएको बताए ।
उनका अनुसार मासिक २५ हजार रुपैयाँसम्म विद्युत् खपत गर्ने योजनाले शतप्रतिशत अनुदान पाएका छन् । यस्तै २५ हजारदेखि ३५ हजार रुपैयाँसम्म महसुल आउने योजनालाई ८० प्रतिशत, ३५ हजारदेखि ५० हजारसम्म विद्युत् खर्च हुने योजनालाई ६० प्रतिशत तथा ५० हजारदेखि ८० हजार रुपैयाँसम्म खपत गर्ने आयोजनालाई ३० प्रतिशत अनुदान उपलब्ध गराइएको छ ।
त्यस्तै मासिक ८० हजार रुपैयाँभन्दा बढी विद्युत् महसुल तिर्ने योजनाले १० प्रतिशत अनुदान पाएका छन् ।
अनुदानका लागि आवेदन दिएका योजनामध्ये मापदण्ड पूरा गरेका आयोजना छनोट गरी रकम वितरण गरिएको कार्यालयले जनाएको छ ।
This will close in 4 seconds
सम्बन्धित खबर
स्याङ्जा–कास्कीका खानेपानी योजनामा विद्युत् खर्चमा ४८ लाख बढी अनुदान
पढाइसँगै तरकारी खेती, पञ्चकन्या माविका विद्यार्थी आत्मनिर्भरतर्फ
सार्वजनिक स्थलमा धूम्रपान र सूर्ति सेवन नगर्न प्रशासनको आग्रह, उल्लंघन गरे कारबाही हुने
बिलभन्दा बढी सामान बोकेको बोलेरो नियन्त्रणमा
बोक्रो फेरिँदैमा भित्री गुदी फेरिँदैन : सांसद रेग्मीलाई अर्जुनचौपारीको व्यंग्यात्मक जवाफ
स्याङ्जाका पालिकामा बेरुजु घट्यो, अझै १३ करोडभन्दा बढी हिसाब मिलेन
यो पनि पढौँ
फिर्के खोलाका संरचना जेठ ९ गतेभित्र हटाउन महानगरको अन्तिम चेतावनी
सबै यात्रु पिसाब फेर्न ओर्लिनासाथ जिप भिरबाट खस्यो, चालकको मृत्यु
फेवातालमा पौडी खेल्ने क्रममा डुबेर मृत्यु
रविसँग रास्वपा सांसदका गुनासो, ‘प्रधानमन्त्री र मन्त्रीको सचिवालयले पनि टेरेन’