स्याङ्जाको चापाकोट नगरपालिका–१० बारीकुनामा दुई मोटरसाइकल एकआपसमा ठोक्किँदा दुई जना घाइते भएका छन् ।
मंगलबार साँझ ग ८ प २०८२ नम्बर र लु ५९ प २४२७ नम्बरका मोटरसाइकल एकआपसमा ठोक्किएका हुन् ।
दुर्घटनामा ग ८ प २०८२ नम्बरको मोटरसाइकल चालक चापाकोट नगरपालिका–२ ठाँटीभञ्ज्याङका ३० वर्षीय सनम शाही घाइते भएका छन् ।
घाइते शाहीलाई चापाकोट नगर अस्पतालमा प्रारम्भिक उपचारपछि थप उपचारका लागि पाल्पास्थित लुम्बिनी मेडिकल कलेज प्रभास पठाइएको थियो । त्यहाँबाट बुधबार बिहान पुरानो मेडिकल कलेज भरतपुर रिफर गरिएकोमा सोही अस्पतालमा उपचार भइरहेको जिल्ला प्रहरी कार्यालय स्याङ्जाका सूचना अधिकारी तथा प्रहरी नायब उपरीक्षक रमेश दत्त अवस्थीले जानकारी दिए ।
त्यस्तै, लु ५९ प २४२७ नम्बरको मोटरसाइकल चालक चापाकोट नगरपालिका–८ क्वामीका २२ वर्षीय सुदीप बस्याल पनि घाइते भएका छन् ।
बस्याललाई पनि चापाकोट नगर अस्पतालमा सामान्य उपचारपछि थप उपचारका लागि पोखरास्थित गण्डकी मेडिकल कलेज पठाइएको थियो । उनको सोही अस्पतालमा उपचार भइरहेको प्रहरीले जनाएको छ ।
दुर्घटनामा संलग्न दुवै मोटरसाइकल प्रहरीको नियन्त्रणमा रहेका छन् । घटनाबारे थप अनुसन्धान भइरहेको प्रहरीले जनाएको छ ।
सम्बन्धित खबर
स्याङ्जामा दुई मोटरसाइकल ठोक्किँदा दुई जना घाइते
हेम्जामा मोटरसाइकल दुर्घटना हुँदा १६ वर्षीय किशोरको मृत्यु
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो
यात्रुसहितको कार सुनकोसीमा खस्यो, कार र यात्रुको अवस्था अज्ञात
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
पोखरामा पर्यटकबसको ठक्करबाट पैदलयात्रीको मृत्यु
यो पनि पढौँ
हेम्जामा मोटरसाइकल दुर्घटना हुँदा १६ वर्षीय किशोरको मृत्यु
निर्मल पुर्जाको शव बेलायत लगियो, तीन नेपालीको मंगलबार काठमाडौं ल्याइने
जोर्ज जोन शिक्षा प्रतिष्ठानको अध्यक्षमा विनोद कायस्थ, पाँच शिक्षासेवी सम्मानित
ग्यास अभाव हुँदैन, अनावश्यक सञ्चय नगरौँः ग्यास उद्योग सङ्घ