पोखरा । नेपाल ईञ्जिनियर एशोसियसन गण्डकीमा प्रोग्रेसिभ ईञ्जिनियर एशोसिएसन नेपाल (पिन) को प्यानल नै विजयी भएको छ । शुक्रबार पोखरामा भएको अधिवेशनबाट नेकपा समर्थित ईञ्जिनियरहरुको एशोसिएसनले प्यानल नै जितेको हो ।

अध्यक्षमा आर्किटेक्ट ईञ्जिनियर बाबुराम भण्डारी ५ सय ६४ मत सहित विजयी भएका छन् । लोकतान्त्रिक समूहका राजेश भट्टराई ४ सय १५ मत ल्याएका थिए । उनीहरु दुवै जना पश्चिमाञ्चल इञ्जिनियरिङ कलेजमा कार्यरत हुन् ।

ध्रुवराज भट्टराई उपसभापतिमा विजयी भएका छन् । उनले ५ सय ९२ मत लाएका छन् भने पराजित विनोद प्रसाद हेजूले ३ सय ८७ मत प्राप्त गरे । दीपक थापा सचिवमा विजयी भएका छन् । उनले ५ सय ८८ मत ल्याएका छन् भने सन्तोष जिसी ३ सय ९४ मत ल्याएर पराजित भए ।

सहसचिवमा विष्णुप्रसाद खनाल विजयी भए । उनले ५ सय ८४ मत ल्याएका छन् भने सन्तोषकुमार बरालले ३ सय ८४ मत ल्याएर पराजित भए । कोषाध्यक्षमा सोवित बहादुर क्षेत्री ५ सय १८ मत सहित विजयी भएका छन् भने सरला श्रेष्ठले ४ सय ३५ मत ल्याइन् ।

सदस्यमा पनि प्रोग्रेसिभ प्यानलबाटै विजयी भएका छन् । सदस्यका हरिकला थापा गुरुङ, डा। केशव बस्नेत, कृष्णप्रसाद पौडेल, हरि केसी, रामकुमार श्रेष्ठ, विमल आचार्य, भगवान कुँवर, प्रदिप न्यौपाने, शर्मिला गौतम र अनिशकुमार ढकाल विजयी भएका छन् । सबैभन्दा बढी मत शर्मिला गौतमले ल्याएकी छन् । उनको मत ६ सय ४ रहेको छ ।