किरण श्रेष्ठ, तनहुँ । व्यास नगरपालिकाको चौथो नगरसभा सोमबारबाट सुरु भएको छ । चौथो नगरसभाको अध्यक्षता व्यास नगरपालिकाका प्रमुख वैकुण्ठ न्यौपानेले गरेका थिए । सो अवसरमा प्रमुख न्यौपानेले अपेक्षित गरेको विकास योजना लाई भएको बजेटमार्फत पुरा भए नभएको नगरसभामा छलफल गर्ने जानकारी दिए । निति, कार्यक्रमलाई पनि केहि संशोधन सहित पारित गर्ने नगरप्रमुख न्यौपानेले जानकारि दिए । कार्यनयनमा ल्याइसकेको केही ऐनहरु लाई पनि संसोधन गर्नुपर्ने देखिएको छ र केहि नयाँ ऐन सिर्जना समेत नगरसभा मार्फत गर्ने नगर प्रमुख न्यौपानेले जानकारी दिए ।

“महत्वाकांक्षी योजनाहरु लाई कार्यनयन गर्ने क्रममा संघको तर्फबाट पनि केहि योजना संचालन भइरहेका छ्न । जसमा मानुङकोट सम्म जाने बाटो कालोपत्रे हुँदैछ । त्यस्तै पराशर पार्क र छाब्दी मार्ग पनि संघीय सरकारको तर्फबाट निर्माण हुदैछ । “, व्यास नगरपालिकाका प्रमुख वैकुण्ठ न्यौपाने जानकारी दिए । केहि बाटोलाई नगरपालिकाको मुल बाटोको रूपमा विकास गर्न लागिरहेको प्रमुख न्यौपानेले बताए । मादि नदि लाई व्यवस्थित गरेर गण्डकी प्रदेश सरकार र व्यास नगरपालिकाको सहभागीतामा विभिन्न बहुउद्देश्यीय अध्ययन गरेर अगाडि बढाउने तयारी भएको उनले बताए ।

नगरसभामा कुन-कुन विधेयक पेश भए ?

चौथो नगर सभामा सोमबार विभिन्न विधेयकहरु छ्लफलका लागी पेश गरिएको छ । जसमा शिक्षा ऐन २०७५, प्रशासकीय कार्यविधि (नियमित गर्ने) विधेयक २०७५, संशोधित आर्थिक विधेयक, संशोधित विनियोजन विधेयक, संशोधित फोहोरमैला व्यवस्थापन सम्बन्धि विधेयक, संशोधित सहकारी विधेयक रहेका छ्न । नगरसभामा व्यास नगरपालिकाकी उप-प्रमुख मिरा जोशीले आर्थिक वर्ष २०७५/७६ को संशोधित निति, कार्यक्रम तथा बजेट प्रस्तुत गरेकी थिइन ।

आर्थिक वर्ष २०७५/७६ का लागि तेस्रो नगर सभाबाट पारित निति, कार्यक्रम र बजेटमा आएको परिवर्तन लाई नगरसभाबाट आत्मसात गर्दै संशोधन गर्नुपर्ने र थप केहि कानुनहरुको निर्माण गर्नुपर्ने भएको हुँदा चौथो नगरसभा को आह्वान गरिएको उपप्रमुख जोशीले बताइन ।

२०७५/७६ को अर्धवार्षिक अवधीसम्म व्यास नगरपालिकाले खेलकुदको माध्यमबाट पर्यटन प्रबर्द्धन गर्ने उद्देश्यले मानुङकोट देखी पुलिमराङसम्म दोस्रो व्यास नगर अल्ट्रा म्याराथन सम्पन्न, वडा भवनहरु सम्पन्न एवं निर्माण प्रक्रिया अगाडि बढाइएको, व्यास-पराशर पार्क (दमौली सेन्टर पार्क) निर्माणका लागी डिपिआर तयार गरिएको नगरसभामा उपप्रमुख जोशीले बताइन ।

त्यस्तै नगरसभामा फोहोरमैला सम्बन्धि ऐन २०७४ माथि संशोधन प्रस्ताव व्यास-५ का वडा अध्यक्ष मोहन कुमार श्रेष्ठले गरेका दिए । त्यसैगरि शिक्षा विधेयक २०७५ वडाअध्यक्ष काजिमान श्रेष्ठले प्रस्तुत गरेका थिए । व्यास नगरपालिकाको प्रशासनिक कार्यविधि नियमित गर्ने विधेयक २०७५ व्यास-४ का वडाअध्यक्ष विश्वराज न्यौपानेले गरेका थिए । आर्थिक ऐन २०७५, विनियोजन ऐन २०७५, सहकारी ऐन २०७४ माथि संशोधन प्रस्ताव वडाअध्यक्ष काजिराम श्रेष्ठले गरेका थिए ।

सोमबार पेश भएको प्रस्तावहरु मंगलबार दोस्रो दिन पास हुने र त्यसपछी राष्ट्रिय सुचना आयोगका प्रमुख आयुक्त कृष्णहरि बास्कोटासंग अन्तरक्रिया, परामर्श चल्ने व्यास नगरपालिकाला प्रमुख वैकुण्ठ न्यौपानेले जानकारी दिए ।