तनहुँ । तनहुँको व्यास नगरपालिका वडा नम्बर १० स्थित डिहिगाउँमा मंगलबार देखि प्रथम अनन्त कप सुरु भएको छ ।
अनन्त युवा क्लबको आयोजनामा सुरुको भएको उक्त प्रतियोगितामा प्रथम हुने टिमले ७० हजार र दोस्रो हुने टिमले ३५ हजार पुरस्कार पाउने अनन्त युवा क्लबको अध्यक्ष राजु भुजेलले बताए ।
कार्यक्रमको प्रमुख अतिथि व्यास नगरपालिकाका प्रमुख वैकुण्ठ न्यौपाने रहेका थिए । सो अवसरमा प्रमुख अतिथि न्यौपानेले युवा क्लबले गर्ने फुटबल प्रतियोगिताले युवाहरु संगठित गर्ने सहयोग पुर्याएको बताए ।
सहरी विकासमा अघि बढेको डिहिगाउँ अब खेलकुदले अझै सहयोग पुर्याउने प्रमुख न्यौपानेले बताए । व्यास नगरपालिकाले खेलक्षेत्र लाई व्यवस्थित गर्न सक्दो सहयोग गर्ने समेत उनले प्रतिबद्धता व्यक्त गरे ।
“शारीरिक एवं बौद्धिक विकास र स्वास्थ्य जिवनको लागी फुटबल” भन्ने नाराका साथ उक्त प्रतियोगिता आयोजना भएको हो । उक्त प्रतियोगितामा २४ टिमको सहभागिता रहेको अनन्त युवा क्लबका अध्यक्ष राजु भुजेलले जानकारी दिए ।
उद्घाटनको पहिलो आयोजक डि र सर्वज्योति पिस होम क्लब बीच भएको खेलमा सर्वज्योति पिस होम क्लब १-० गोल अन्तरले विजयी भएको छ । त्यस्तै सिमलटार युवा क्लब र फराकचौर युवा क्लब बीच भएको खेलमा सिमलटार युवा क्लब २-१ गोल अन्तरले विजयी भएको छ ।
उक्त प्रतियोगिताको उद्घाटन कार्यक्रममा व्यास-१० का वडाअध्यक्ष तुल्सीराम सापकोटा, व्यास-११ का वडाअध्यक्ष निर बहादुर खड्का, युवा नेता चिरञ्जीवी अधिकारी, सर्वज्योति माविका विद्यालय व्यवस्थापन समितिका अध्यक्ष मदन तिमल्सिना लगाएको उपस्थिति रहेको थियो ।
सम्बन्धित खबर
बागलुङ कालिका दर्शन गरी तनहुँ फर्कँदै गर्दा पोखराको हेम्जामा बस दुर्घटना
डढेलो लगाउनेलाई जन्मकैद हुनुपर्छः मुख्यमन्त्री अधिकारी
एशिया कप ट्रायथलन : इजिप्टका सिफेल्दिन र इजरायलकी इड्डा बने च्याम्पियन
फूलबारीमा अटो दुर्घटना हुँदा दुई जना घाइते
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग