तनहुँ । तनहुँको दमौलीमा रहेको आदिकवि भानुभक्त क्याम्पसमा बिहिवार एमबिएस प्रथम सेमेस्टरमा भर्ना भएका विद्यार्थी संग अन्तरक्रिया सम्पन्न भएको छ ।

कार्यक्रममा त्रिवि व्यवस्थापन संकायका सहायक डिन दिनेशमणि घिमिरेले सेमेस्टर प्रणालीमा प्रयुक्त हुने शिक्षण विधि तथा मुल्यांकन प्रणालि एवं विद्यार्थिले ध्यान दिनुपर्ने विषयमा अभिमुखिकरण गराएका थिए ।

क्याम्पसको व्यवस्थापन विभाग प्रमुख रामभक्त घिमिरेको अध्यक्षतामा सम्पन्न उक्त कार्यक्रममा क्याम्पस संचालक समितिका अध्यक्ष रामचन्द्र बस्नेत, उपाध्यक्ष र श्रीराम कार्कीले नव आगन्तुक विद्यार्थी लाई स्वागत गरेका थिए ।

उद्योग वाणिज्य संघका केन्द्रिय सदस्य देब कुमार श्रेष्ठले सफल २ विद्यार्थीहरु लाई छात्रवृत्ति प्रदान गर्ने तथा विभागलाई कम्पुटर दान गर्ने  प्रतिबद्धता गरेका थिए ।

क्याम्पस प्रमुख महाप्रसाद हड्खलेले क्याम्पसको नीति तथा कार्यक्रमको बारेमा प्रस्तुति दिएका थिए ।

सहायक क्याम्पस प्रमुख आत्मराम बास्तोला संचालन गरेको उक्त कार्यक्रममा स्वागत बसन्त कडेलले गरेको थिए कार्यक्रममा एमबिएस अध्ययन गर्ने दुई सेक्सनका ५२ जना विद्यार्थीहरुको सहभागिता रहेको थियो ।