तनहुँ । तनहुँको ऋषिङ्ग गाउँपालिका वडा नम्बर ६ सार्की चौतरामा आइतबार ट्याक्टर पल्टदा एक जनाको मृत्यु भएको छ । मृत्यु हुनेमा ऋषिङ्ग गाउँपालिका-५ का ३५ वर्षीय ओममाया राना रहेकी छिन । उनको घटनास्थलमै मृत्यु भएको जिल्ला प्रहरी कार्यालय तनहुँले जनाएको छ । उक्त दुर्घटनामा परी ७ जना घाइते भएका छन् । घाइते मध्ये ३ जनाको अवस्था गम्भीर रहेको प्रहरी नायब उपरीक्षक श्यामु अर्यालले जानकारी दिए ।

गम्भीर घाइते हुनेहरुमा ऋषिङ्ग-५ का ३२ वर्षीय बलबहादुर पाटामगर, ५० वर्षीया खिनीमाया पाटामगर, १८ वषीया कुमारी थापा छन् । उनिहरुलाई थप उपचारका लागि पोखरा पठाइएको छ । ऋषिङ्गबाट सपौंदीतर्फजाँदै गरेको ग १ त ५३१० नम्बरको ट्याक्टर अनियन्त्रित भई सडकबाट करिब दुइ सय मिटर तल खसेको थियो ।

ट्याक्टर चालक भने फरार छन् । उक्त दुर्घटनामा ऋषिङ गाउँपालिका-५ बर्ष ५० का मोतीलाल राना मगर, बर्ष ५० का हिम बहादुर राना, बर्ष ८ की मनिसा थापा र ट्याक्टरका सहचालक नवलपरासी बुलिङटारका अन्दाजी २० का कृष्ण कुमाल हात, खुट्टा र टाउँकामा चोट लागेको र अवस्था मध्यम रहेको जिल्ला प्रहरी कार्यालय तनहुँले जनाएको छ ।