पोखरा । रोजगारीका लागि मलेसिया पुगेका एक नेपाली युवा केही दिनदेखि बेपत्ता भएका छन् । बैदेशिक रोजगारीका लागि मलेसिया पुगेका गोरखाको पालुङटार नगरपालिका, ठाटीँपोखरीका जगत गन्धर्वलाई आफैँले काम गर्ने कम्पनीको मालिकले कुटपिट गरी बेपत्ता पारिएको स्रोतले जनाएको छ ।

मलेसियाको जोहेर बारुमा अबस्थीत ग्लोबल गार्ड सिक्युरिटी कम्पनीमा कार्यरत गन्धर्वलाई आफैँले काम गर्ने कम्पनीको मालिकले मुखबाट रगत आउने गरि सम्वेदनशिल अंगमा कुटपिट समेत गरेको सोही कम्पनीमा उनीसँगै कार्यरत नेपालीहरुको भनाई उदृत गर्दै गैर आवसिय नेपाली संघ (एनआरएन) मलेसियाले जनाएको छ ।

संघका अनुसार मदिरा सेवन गरेका गन्धर्वलाई उनी सुतैको होटमा गएर कम्पनी मालिकले कुटेका हुन् । मार्च ४ गते लामो समयमसम्म काम गरेको उनी मार्च ५ बाट परिवार तथा साथीहरूको सम्पर्कमा नआएपछि कम्पनीले नै वेपत्ता पारिएको संघले जनाएको हो ।

बेपत्ता गन्धर्वको बारेमा आवश्यक छानबिन गरि उद्धारका लागि गैर आवासीय नेपाली संघ (एनआरएनए) ले नेपाली राजदुतावास क्वालालम्पुर मलेसियालाई पत्राचार गरेको एनआरएनए जोहोरका सचीव अर्जुन सिहं ठकुरीद्वारा हस्ताक्षर गरिएको पत्रमा उल्लेख गरिएको छ ।

यस्तो छ पत्र