पोखरा, ९ चैत । पृथ्वीराजमार्ग अन्तर्गत तनहुँको घाँसीकुवामा भर्खरै (बिहान १०) बजे ट्रक दुर्घटना हुँदा एक जनाको ज्यान गएको छ । गुडिरहेको ट्रकको एक्कासी ब्रेक फेल हुँदा डरलाग्दो दुर्घटना भएको हो । रोकिराखेको ट्रक उत्तानो परेको छ भने ठक्कर दिने ट्रकको अगाडि भाग क्षतिग्रस्त छ ।

डुम्रे तर्फबाट दमौलीतर्फ आइरहेको ना ८ ख ३५२७ नम्बरको ट्रकले बिग्रेर सडकमै रोकिराखिएको ना १ क ६१४२ नम्बरको ट्रकलाई ठक्कर दिँदा एक जनाको ज्यान गएको हो । मृतकको पहिचान खुलेको छैन । घाइतेहरुलाई उपचारका लागि दमौलीतर्फ लगिएको छ । अहिले सो सडकखण्ड बन्द रहेको अनेरास्ववियू विद्यार्थी नेता बिनोद भण्डारीले जानकारी दिए । ट्रकले रोकिराखेको ट्रकलाई ठक्कर दिएपछि पनि बा १८ च ७७८४ नम्बरको हाइलक्सलाई ठक्कर दिएको छ ।

तनहुँ ट्राफिक प्रहरी प्रमुख पूर्णबहादुर अधिकारीले प्रहरी घटनास्थल पुगेको जनाए । उनले अहिले मृतक र घाईतेहरुको सनाखत भईनसकेको बताउँदै प्रारम्भिक अनुसन्धानमा ट्रकको ब्रेक फेल भएको देखिएको बताए । उनले भने – ‘ब्रेक फेल ट्रकले रोकिराखेको ट्रकलाई ठक्कर दिँदा मर्मत भईरहेको ट्रक उत्तानो परेको छ । एकदमै ठूलो दुर्घटना भयो । मृतक ट्रक चालक हो कि मर्मत भईरहेको ट्रकमा रहेका मिस्त्री हुन्, अनुसन्धानमै छौं ।’

तस्विरः विनोद भण्डारी

थप विवरण आउन बाँकी ।