तनहुँ । प्राज्ञिक विद्यार्थी परिषद नेपालको प्रथम गण्डकी प्रदेश अधिवेशन विहिबार देखि दमौलीमा सुरु भएको छ ।

समाज र राष्ट्रहितका लागि युवा भन्ने मुल नाराका साथ प्रथम गण्डकी प्रदेश अधिवेशन सुरु भएको छ । अधिवेशन शनिबार सम्म हुने आयोजकले जनाएको छ ।

प्राज्ञिक विद्यार्थी परिषद नेपालका राष्ट्रिय अध्यक्ष रामजी गौतमको अध्यक्षता उक्त कार्यक्रम भएको थियो ।

उद्घाटन कार्यक्रमको प्रमुख अतिथि व्यासका अध्ययता काशिनाथ न्यौपाने रहेका थिए । त्यस्तै विशिष्ठ अतिथि भने व्यास नगरपालिकाका प्रमुख वैकुण्ठ न्यौपाने रहेका थिए ।

प्रथम गण्डकी प्रदेश अधिवेशनबाट आगामी दुई वर्षका लागी नयाँ कार्यसमिति आउने गण्डकी प्रदेश अध्यक्ष पुष्पराज खतिवडाले बताए ।

प्राज्ञिक विद्यार्थी परिषद नेपाल दलगत राजनीति देखि माथि रहि ज्ञान शिल र एकताको आदर्शका साथ व्यक्ति निर्माणका माध्यमद्वारा राष्ट्र पुनःनिर्माण लक्ष्य सहित अघि बढेको सस्था रहेको अध्यक्ष खतिवडाले बताए ।

गण्डकी प्रदेशभरिका १५० भन्दा बढी युवाहरुको कार्यक्रममा सहभागीता रहेको अध्यक्ष खतिवडाले बताए । अधिवेशनले तनहुँको सास्कृतिक तथा पर्यटनको क्षेत्रमा सहयोग पुर्याउने खतिवडा बताउछ्न ।

कक्षा ११ देखी मास्टर तह सम्मका विद्यार्थी परिषदका सदस्य रहेको परिषदका गण्डकी प्रदेश सचिव मिलन अधिकारीले बताए । देशको हरेक तहमा जाने युवा लाई सहि मार्गनिर्देश गर्ने र इमानदार बनाउने लक्ष्य परिषदको रहेको अधिकारीले बताए । देशभर परिषदको ५ हजार सदस्य रहेको अधिकारिले जानकारी दिए ।

देशमा प्रादेशिक संरचना अगाडि बढेसंगै विद्यार्थी परिषदले पनि आफ्नो प्रदेश संरचना निर्माण गर्न र प्रदेश सक्रिय र उत्कृष्ट बनाउने लक्ष्यले प्रदेश स्तरीय अधिवेशन गर्न लागेको परिषदले जनाएको छ ।

कार्यक्रममा प्रदेशको शिक्षा, समसामयिक अवस्था, महिला सुरक्षा चर्चा सहित प्रस्ताव पारीत हुने जनाइएको छ ।