तनहुँ । तनहुँको दमौलीमा ब्यास डाईग्नोस्टिक ल्याबोरेटोरी (बि.डि.एल) प्रा.लि को उद्घाटन भएको छ । बुधबार एक कार्यक्रमका बिच जिल्ला समन्वय समिती तनहुँका प्रमुख शान्तिरमण वाग्लेले ल्याबोरेटोरीको उद्घाटन गरे ।
सो अवसरमा वाग्लेले टेक्नोलोजीको प्रयोग गरि गुणस्तरिय र भरपर्दो सेवा दिनुपर्ने बताए । गुणस्तरिय सेवा दिए सर्वसाधारणको बिस्वास जित्न सक्ने उनको भनाई थियो ।

विश्वकै उत्कृष्ट प्रविधिद्वारा रक्त परीक्षण सेवा प्रदान गर्ने उद्देश्य राखिएको उक्त ल्याबोरेटरीका प्रबन्ध निर्देशक पेशल अभिनय पन्थले बताए । व्यास-३, निम चोक दमौलीमा रहेको उक्त ल्याबोरेटोरी तनहुँ जिल्लाकै अत्याधुनिक ल्याब रहेको पन्थले बताए ।

थाइराइड सम्बन्धि रक्त परिक्षण, क्यान्सर मार्कर, भिटान डि, मृगौला, फोक्सो सम्बन्धि रक्त परिक्षण गरिने पन्थले बताए । “समय र गुणस्तर लाई हाम्ले मुख्य प्राथमिकता दिएका छौ ।” प्रबन्ध निर्देशक पन्थले भने । यो भन्दा अघि पोखरा कि काठमाडौ जानुपर्थ्यो अब त्यो समस्या समाधान भएको छ ।

“चिकित्सकको लागि पनि ल्याब आवश्यक हुन्छ त्यसैले ल्याब गुणस्तरीय र विश्वासिलो हुनुपर्छ”, प्रमुख जिल्ला अधिकारि भरत शर्माले भने । छिटो र गुणस्तरीय सेवाले नै जनतामा बिश्वास दिलाउन सकिछ शर्माले बताए ।

त्यस्तै लायन्स ३२५ बि १ का डिस्ट्रिक गभर्नर अशोक कुमार श्रेष्ठले दमौली अहिले सहरको रुपमा विकास भईरहेको बताए । तनहुँका सर्वसाधारण लाई नजिकै गुणस्तरीय सेवा उद्धेश्यले दमौलीमा ब्यास डाईग्नोस्टिक ल्याबोरेटोरी (बि.डि.एल) प्रा.लि को स्थापना गरिएको बिडिएलका अध्यक्ष सुरेश तिमल्सेनाले बताए ।

ब्यास डाईग्नोस्टिक ल्याबोरेटोरी (बि.डि.एल) प्रा.लिले गुणस्तरीय सेवा दिनेमा कुनै संका नगर्न समेत आग्रह गरे । उक्त उद्घाटन समारोहमा राजनैतिक दलका नेताहरु, संघ सस्थाका प्रतिनिधिहरु, समाजसेवीहरुको बाक्लो उपस्थित रहेको थियो ।