तनहुँ । सवारी दुर्घटना न्युनिकरण र शान्तिसुरक्षा कायम राख्नु मुख्य प्राथमिकता रहेको जिल्ला प्रहरी कार्यालय तनहुँका प्रमुख एसपि बिनोद सिलवालले बताए ।

एसपि सिलवालले सो कुरा मंगलबार जिल्लाका पत्रकार संगको भेटघाट कार्यक्रममा बताएका हुन ।

पृथ्वी राजमार्गको लामो दुरि (७२ किलोमिटर) तनहुँ जिल्लामा पर्ने र धेरै सवारी दुर्घटना हुने भएकोले मुख्य प्राथमिकतामा सवारी दुर्घटना न्यूनीकरण रहेकोे एसपि सिलवालले बताए ।

सवारी दुर्घटना घटाउन ब्ल्याक स्पोर्ट पहिचान संगै सडक प्रयोगकर्ताहरु लाई जनचेतनामुलक कार्यक्रम गर्ने योजना रहेको प्रहरी प्रमुख सिलवालले बताए ।

सवारी चालक, सहचालक, पैदल यात्री र स्थानीय लाई जनचेतनामूलक कार्यक्रम गर्ने र ठाउँ ठाउँमा बोर्डमा सूचना मुलुक सन्देश समेत राख्ने योजना रहेको सिलवालले बताए ।

बिग्रेको सवारी साधनलाई सडकबाट सुरक्षित स्थान ल्याउने र सडकमा कुनैपनि किसिमको बाधा उत्पन्न हुन नदिने लक्ष्य समेत रहेको सिलवाल बताउछ्न ।

लागुऔषध ओसारपसारको अन्त्य गर्न कडा चेकजाँच, कानुन उल्लंघन गरेर शान्तिसुरक्षामा खलल पुर्याउने जो कोहि लाई पनि कानुनी प्रक्रिया अनुसार कारबाही हुने एसपि सिलवालले बताए ।

ईमानदार र जिम्मेवारीपुर्ण काम गर्नुपर्छ सबैको साथ अवश्य पाइन्छ प्रमुख सिलवाल भने । जिल्लामा देखिएका मुख्य मुख्य अपराध के के हुन त्यो बारे बुझीरहेको उनले बताए ।

“अपराधिक क्रियाकलापमा संलग्नलाई नियन्त्रण गर्ने र सम्बन्धित निकायमा पठाएर शान्तिसुरक्षा कायम राख्ने नै प्रहरीको मुख्य काम हो”, प्रहरी प्रमुख सिलवालले भने ।

सबै संग मिलनसार र पारिवारिक सम्बन्ध बनाएर काम गर्ने योजना समेत रहेको सिलवालले बताए ।

सामाजिक गतिविधिमा खलल पुर्याउने कार्य गर्ने जो कोहि व्यक्ति लाई कारबाही गरिने सिलवाल बताउछ्न ।

पीडित लाई न्याय दिलाउन हरेक तवरले सहयोग गरि अपराधी लाई कारबाहीको दायरामा ल्याउने प्रमुख सिलवालले बताए ।