तनहुँ । युवा पुस्ताका लोकप्रिय चर्चित गायक सुनिल गिरी र पुनम मिश्रको आवाजमा ‘कोसेली’ बोलको गीतको भिडियो सहित आइतबार सार्बजनिक भएको छ ।
शब्द र संगीतमा गायक गिरि कै रहेको ‘कोसेली’ बोलको गीतको भिडियो गिरीको आफ्नै युट्युब च्यानलमार्फत सार्वजनिक गरिएको हो ।
गायक गिरिको गृहजिल्ला तनहुँको मानुङकोट र दमौलीको बिभिन्न रमणिय ठाउमा गितको भिडियो खिचिएको छ ।
गाउँले परिवेशमा उक्त गितको भिडियो तयार गरिएको छ ।
यस अघि नै धेरै हिट गीत दिइसकेका गायक गिरीका ‘को होला त्यो’, ‘देउराली भन्ज्याङ’, ‘कस्तो यो मन’, ‘सोल्टिनी’ जस्ता उत्कृष्ट गीतहरुलाई दर्शकहरुले अत्याधिक मन पराइसकेका छन ।
गायक गिरीले आफै अभिनय गरेको उक्त गीतमा उनलाई साथ दिएकी छन अन्जली मगरले । गिरि र मगरको साथमा भिक्टोरिया डान्स एण्ड एक्टिङ स्कुलका कलाकारको समेत अभिनय रहेको छ ।
आशिष अबिरलको संगीत रहेको गीतलाई प्रबिन भट्टले सम्पादन गरेका छन ।
उक्त गीतमा अबिनाश मानन्धरले ड्रोन चलाएका छ्न l ड्रोन मार्फत मानहुकोट र दमौलीको दृश्य उत्कृष्ट देखाइएको छ ।
भिडियोलाई सर्जन थापा मगरले निर्देशन गरेका छन् ।
कुहिरोको उत्पत्ति थलो मानुङ
व्यास नगरपालिकाको पर्वतीय डाँडो मानुङ प्राकृतिक हिसाबले धनी छ नै यसको पौराणिक र सांस्कृतिक महत्र्व पनि उत्तिकै छ ।
आधा दर्जन हिम शृखलाको दृश्यावलोकन र दमौली बजार तथा आसपासका साना बजार दृश्यावलोकन यहाँको महत्र्वपूर्ण पक्ष हो ।
कुहिरोको उत्पत्तिसमेत यसै डाँडाबाट भएको जनविश्वास छ ।
परापूर्वकालमा व्यासपिता ऋषि पराशरले माझीपुत्री मत्स्यगन्धासँगको रासलीलालाई गोपनीय बनाउन कुहिरो सिर्जना गरेको किंवदन्ती छ ।
हालसम्म दमौली सहर ढिलो घाम लाग्ने र हिउँदमा कुहिरोको सहरका रूपमा चिनिन्छ ।
यो कुहिरोको सिर्जना मानुङ डाँडाबाट भएकाले यस ठाउँलाई छुट्टै महत्र्वपूर्ण पर्यटकीय गन्तव्यका रूपमा लिने गरिन्छ ।
सांस्कृतिक हिसाबले धनी मगर समुदायको बसोवासस्थल र होमस्टेका कारण मानुङको माध्यमबाट पर्यटक भित्र्याउन सकिने विश्वास धेरैको छ ।
व्यास नगरपालिकाले पनि मानुङ र कालिका जंगलपार्कलाई पर्यटकीय स्थलका रूपमा विकास गरेर थप पर्यटक भित्र्याउने लक्ष्य राखेको छ ।
भिडियो हेर्नुहोस् :
सम्बन्धित खबर
मुग्लिन–पोखरा सडक विस्तार: म्याद सकियो तर काम सकिएन
तनहुँमा बुवाको हत्या आरोपमा छोरा पक्राउ
पोखरा आउँदै गरेको कार तनहुँमा दुर्घटना, चार जना घाइते
तनहुँमा धारिलो हतियार प्रहार गरी श्रीमतीको हत्या
भिमादमा आयोजित मगर भाषा–लिपि तथा संस्कारसम्बन्धी पाँच दिने प्रशिक्षणको समापन
तनहुँमा रोकिराखेको बसमा कार ठोक्कियो, पोखराका ३ युवा घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग