तनहुँ । तनहुँको आदिकवि भानुभक्त क्याम्पस यस वर्ष देश कै उत्कृष्ट म्यानेजमेन्ट कलेज भएको छ ।नेपालका १८ सय ५४ क्याम्पस मध्ये एम बि एस कार्यक्रममा पहिलो उत्कृष्ट क्याम्पसको अवार्डबाट सम्मानित बनेको छ ।

त्यसैगरि क्याम्पसले सामुदायिक क्याम्पस तर्फ नेपालको दोश्रो उत्कृष्ट क्याम्पसको अवार्ड पनि प्राप्त गरेको छ । नेपालमा करिब ६ सय सामुदायिक क्याम्पसहरु रहेका छन ।

त्यस्तै क्याम्पसले बिबिएस तर्फबाट तेस्रो उत्कृष्ट क्याम्पसको अवार्ड पनि हात पारेको छ ।

उक्त सम्मान कार्यक्रम शुक्रबार साझ होटल अन्नपुर्ण काठमाडौमा आयोजना गरिएको थियो । बि स्कुल कनक्लेभ तथा अवार्ड समारोहमा उक्त पुरस्कार प्रदान गरिएको थियो ।

पुरस्कार शिक्षा सचिव खगराज बराल तथा न्युज बिज्नेस एजका अध्यक्ष मदन लम्सालले प्रदान गर्नुभएको थियो ।

उक्त समारोहमा क्याम्पसका तर्फबाट प्रमुख महाप्रसाद हडखलेले पुरस्कार ग्रहण गरेका थिए । सो अबसरमा क्याम्पसका आइसिटी विषयका सम्योजक शुलभ कुमार श्रेष्ठ पनि उपस्थित रहेको थियो ।

न्यु बिजनेस एज म्यागाजिनले हरेक वर्ष नेपालभर व्यवस्थापन विषय पढाई हुने क्याम्पसहरुको अध्यन अध्यापन, नतिजा, पुर्वाधार र व्यवस्थापनलाई आधार मानेर उत्कृष्ट क्याम्पस छनौट गर्छ ।

म्यागाजिनले उत्कृष्ट उच्च शैक्षिक संस्था र बिजनेस संघ संस्थाहरुलाइ सन २०१३ देखि हरेक वर्ष उक्त अवार्ड प्रदान गर्दै आइरहेको छ ।

आदिकवि भानुभक्त क्याम्पसमा व्यवस्थापन विषयमा कक्षा ११ र १२, स्नातक तहमा बिबिएस र बिबिए र स्नातकोत्तर तहमा एम बि एस पढाई गर्दै आइरहेको छ ।

व्यवस्थापनमा करिब १ हजार २ सय विद्यार्थीहरु अध्यन गरिरहेका छन भने करिब १५ जना प्राध्यापक अध्यापनरत रहेका छन ।