तनहुँ । तनहुँको दमौलीका बालबालिकाहरुको प्रतिभामूलक प्रतियोगिता जेसिआई व्यास नगर साइनिङ स्टार उपाधि सहारा श्रेष्ठले जितेकी छिन । प्रतिस्पर्धाका २४ प्रतिस्पर्धीलाई उछिन्दै आदर्श बिद्या गृहमा कक्षा ६ मा अध्ययनरत सहाराले व्यास नगर साईनिङ स्टार २०१९ को उपाधी हात पारेकी हुन् ।

प्रतियोगी नम्बर १३ को रुपमा प्रतिस्पर्धामा उत्रिएकी उनलाई व्यास नगरपालिकाका नगर प्रमुख बैकुण्ठ न्यौपानेले २५ हजार नगद सहित पुरस्कार प्रदान गरे । प्रतिस्पर्धामा फष्टरनर अफको उपाधी प्रतिस्पर्धी नं. १४ कि कविता थापा र सेकेण्ड रनर अपको उपाधी प्रतिस्पर्धी नं. २४ का गौरव सापकोटाले हात पारे। उनीहरूले क्रमश नगद १५ हजार र १० हजार सहित प्रमाणपत्र पुरस्कृत भए । थापा जलदेवी माध्यमिक विद्यालय र सापकोटा सत्यवती माध्यमिक विद्यालयमा अध्ययनरत छन् ।

त्यसैगरी विभिन्न विधाहरु तर्फ ब्रेष्ट स्माइल कविता थापा, पर्सानालिटी अवार्ड प्राप्ति न्यौपाने, ब्रेष्ट ¥यामवाक बिपिन श्रेष्ठ, ट्यालेण्ट गौरव सापकोटा, ब्रेष्ट ड्रेस अवार्ड साहारा श्रेष्ठ, डिसिपिलिन अवार्ड रोनिषा राना, प्रोजेक्ट वर्क अवार्ड नबिना थापा, भ्युअर च्वाईस अवार्ड अंकिता थापा, ब्रेष्ट कन्टिभ्युसन अंकिता दुरा र फोटो जेनिक अवार्डबाट रबिना तामाङ छनोट भए ।

मध्यबिन्दु पर्यटन विकास समितिका अध्यक्ष हरिसिं गुरुङ, गायक हेमन्त शर्मा, काठमाण्डौ जेसिजका अध्यक्ष भुवनकुमार श्रेष्ठ, मिस टिन २०१७ की बिजेता सान्जा मोक्तान र कोरियोग्राफर रुपेशराज रानाले प्रतियोगितामा निर्णायकको भुमिका निर्वाह गरेका थिए ।

प्रतियोगितामा सम्बोधन गर्दै व्यास नगरपालिकाका नगर प्रमुख बैकुण्ठ न्यौपानेले व्यास नगर साईनिङ स्टारको माध्यमबाट व्यास नगरपालिकाका भित्रका विद्यालयमा अध्ययनरत विद्यार्थी भित्रको प्रतिभा प्रस्फुटन गर्ने अबसर मिलेको बताए । उनले प्रतिस्पर्धीहरूबाट व्यक्त विषयबस्तुबाट आफूलाई समेत सिकाईको अबसर मिलेको बताए ।

जिल्लाका विभिन्न विद्यालयबाट सहभागी बिद्यार्थीहरूबाट २५ विद्यार्थी छनोट गरि प्रतिस्पर्धाका लागि प्रशिक्षण गराईएको व्यास नगर जेसिजका अध्यक्ष रमेश गिरीले बताए ।