तनहुँ । मिस तनहुँ २०१९ को ताज आकृती श्रेष्ठले जितेकी छिन । डुम्रेकी १८ वर्षीया आकृती श्रेष्ठले ८ जना आफ्ना प्रतिस्पर्धीहरु लाई पछि पार्दै उपाधी हात पारेकी हुन ।

डाँफे मल्टिमिडियाको आयोजनामा शनिबार साझ दमौली उक्त कार्यक्रम भएको हो ।
त्यस्तै प्रतियोगितामा फस्ट रनरअप अनिता थापा मगर, सेकेन्ड रनरअप अस्मिता मजकोटी र भ्युवर च्वाइस अवार्ड भने नमिता सुन्दासले जितेकी छिन ।

प्रतियोगिताकी विजेता श्रेष्ठले यामाहाले फ्यासिनो स्कुटर संगै एनसिएस एजुकेसन फाउन्डेसनको तर्फबाट १५ हजार बराबरको प्याकेज र मायाको चिनो प्राप्त गरिन । र अन्य फर्स्ट रनरअप, सेकेन्ड रनरअप र भ्युवर चोइसले पनि एनसिएस एजुकेसन फाउन्डेसनको तर्फबाट १५ हजार बराबरको प्याकेज प्राप्त गरेका छ्न । र बाकी ५ जना अन्य प्रतियोगिले पनि एनसिएस एजुकेसन फाउन्डेसनको तर्फबाट १० हजार बराबरको प्याकेज प्राप्त गरेका छ्न ।

उक्त प्रतियोगिताको निर्णायकहरुमा मिस नेपाल २०१४ की विजेता सुबिन लिम्बु, सम्पदा नेपालका अध्यक्ष हरि सिं गुरुङ र कलाकार एवं मोडल अनिल अधिकारी रहेका थिए ।
उक्त कार्यक्रमको प्रमुख अतिथि व्यास नगरपालिकाका प्रमुख वैकुण्ठ न्यौपाने रहेका थिए ।

विभिन्न जातजातिका भेषभुषा लाई विशेष प्राथमिकता दिएर जातीय पहिचान झल्कने पहिरन प्रतियोगिहरुले लगाएका थिए ।

लुकेर रहेकोमा नारी प्रतिभा लाई प्रस्फुटन गर्न उक्त प्रतियोगिता आयोजना गरिएको डाफे मल्टिमिडियाकि अध्यक्ष सन्जु घलेले बताईन । कार्यक्रमको मुख्य प्रायोजन यामाहाले गरेको थियो ।

कार्यक्रमको संचालन यकिन गुरुङ र सुदिप पौडेलले गरेका थिए । उक्त प्रतियोगिताको फोटोग्राफी पार्टनरको रुप आगमन फोटोग्राफी रहेको थियो ।

विजेताहरु लाई पन्चे बाजा सहित आइतबार दमौली बजार परिक्रमा गराइएको थियो ।