हिंस्रक जन्तु जस्तै बाघ, भालु, चितुवा मानब बस्तीमा पसेमा के गर्ने ? कि धपाउने ? कि त नियन्त्रणमा लिने । दुर्लभ तथा लोपोन्मुख जनावर मार्नु त कानुनतः नै दण्डनीय छ । मानव क्षति हुन लागेमा मात्रै तत्कालिन समयमा मार्न सक्दछन् ।

त्यसको लागि भरपर्दो माध्यम नै टेलइन्जेक्ट डार्टगन हो । जसलाई डार्टिङ पनि भनिन्छ ।जसले जनावलाई बेहोस बनाउँछ । बुधबार साँझ पोखरा १६ चिप्लिकुनामा रहेको एक कुखुरा फार्ममा पसेको चितुवालाई पनि टेलइन्जेक्ट डार्टगनबाट नै बेहोस बनाई नियन्त्रणमा लिइएको हो ।

राष्ट्रिय प्रकृति संरक्षण कोष, जैविक विविधता संरक्षण केन्द्र सौराहा, चितवनबाट भेटेरीनरी प्राविधिक किरणराज रिजालको नेतृत्वमा वन्यजन्तु प्राविधिक तीर्थ लामा सहित चार जनाको टोलीले चितुवालाई टेलइन्जेक्ट डार्टगन प्रयोग गरी नियन्त्रणमा लिए । त्यसपछि, चितुवालाई पोखरामा निर्माणधिन पोखरा जुलोजिकल पार्कमा रहेको वन्यजन्तु उद्धार केन्द्रमा लगियो । आँखामा चोट लागेको पोथी प्रजातिको लगभग ४ वर्षको चितुवालाई अहिले सो ठाउँमा रेखदेख गरिएको छ ।

तस्विरः तीर्थ लामा

सम्बन्धित समाचार

http://gandaknews.com/chituwa-2/