तनहुँ । व्यास नगरपालिका वडा नं.६ का वडाध्यक्ष सुर्यभक्त भण्डारी प्रहरीको हिरासतमा गएका छन् । भण्डारी विरुद्व आइतबार जिल्ला प्रहरी कार्यालय तनहुँमा एक महिलालाई अभद्र ब्यवहार गरेको भन्दै जाहेरी दर्ता भएको थियो । वडा अध्यक्ष भण्डारी प्रहरीको सम्पर्कमा आफै गएका थिए । भण्डारीलाई ५ दिनको म्याद थप भइ अनुन्धान अगाडी बढेको जिल्ला प्रहरी कार्यालय तनहुँले जनाएको छ ।

एक वर्ष भन्दा कम जेल सजाय हुने प्रकृतिको मुद्दा भएकाले जिल्ला प्रहरी कार्यालय तनहुँले मुद्दा दर्ताका लागि जिल्ला प्रशासन कार्यालयमा लगेको थियो । जिल्ला प्रशासन कार्यालयले भण्डारीलाई ५ दिनको म्याद थप गरी अनुसन्धान कार्य अगाडी बढाउन आदेश दिएको जिल्ला प्रहरी कार्यालय तनहुँका प्रमुख विनोद सिलवालले बताए ।

अनुन्धान गर्न र प्रमाण संकलन भएपछि धौरीटमा छोड्ने वा कारागार चलान हुने भन्ने निर्णय हुने प्रमुख जिल्ला अधिकारी रुद्र प्रसाद पण्डितले बताए । गण्डक न्युजको कुराकानीमा प्रमुख जिल्ला अधिकारी पण्डितले अध्यक्ष भण्डारीलाई पाच दिनको म्याद थप गरेर प्रहरीलाई अनुसन्धान गर्न समय दिएको बताए ।

वडाध्यक्ष भण्डारीले सोही वडाकी २१ बर्षीय युवतीलाई फोन मार्फत यौनजन्य गतिबिधीका कुरा गर्दै आएको पिडीतको अरोप छ ।

पिडिीतले भनिन् ‘म तिमीलाई माया गर्छु,तिमी र म पोखरा घुम्न जाऊ,तिमीलाई आर्थिक सहयोग गर्छु,कसैलाई यी कुरा नगर्नु लगायतका यौन जन्य कुरा गरेको आरोप युवतीले लगाएकी छन् । व्यास नगरपालिकाका– ६ का वडाध्यक्ष भण्डारी नेपाली काँग्रेस पुराना नेताका रुपमा मानिन्छन् ।

यता आरोपित वडा अध्यक्ष भण्डारीले आफुले कसैलाई पैसा दिन्छु खुट्टा ढोक्छु भन्ने कुरा नभनेको दाबी गरेका छन् ।