तनहुँ । नेपाल आदिवासी जनजाती महासंघ जिल्ला समन्वय परिषद तनहुँको आयोजनामा आदिवासी जनजाती तनहुँ सांस्कृतिक एवं पर्यटन महोत्सव हुने भएको छ ।

महोत्सव कार्तिक २० गतेदेखि कार्तिक ३० गतेसम्म हुने नेपाल आदिवासी जनजाती महासंघ जिल्ला समन्वय परिषद तनहुँकी अध्यक्ष बसुन्धरा घर्तीले बताईन ।

महोत्सवमा २ सय ३० स्टल हुने आयोजकले जनाएको छ ।  ३ लाख दर्शकले महोत्सव अवलोकन गर्ने र ३ करोड बराबरको कारोबार हुने लक्ष्य आयोजकले लिएको छ ।

महोत्सव व्यास-४ सिमलटारमा हुने आयोजकले जनाएको छ । नयाँ ठाउँको प्रचारप्रसार गर्न नयाँ स्थान छनौट गरिएको आयोजकले बताउछ्न ।

विभिन्न जातजातिको मौलिक संस्कृतिलाई  बढी प्राथमिकता दिइने अध्यक्ष घर्तीले बताईन । ‘टिकटको मुल्य अहिले ६० रुपैयाँ र विद्यार्थीको हकमा भने ४० रुपैयाँ राखिएको छ’ अध्यक्ष घर्तीले भनिन ‘वृद्धवृद्धा लाई भने निशुल्क महोत्सव अवलोकन गर्ने व्यवस्था रहेको छ ।’

महोत्सवबाट हुने मुनाफाबाट परिषद तनहुँको अधुरो भवन पुरा गर्ने उद्देश्यका साथ महोत्सव गर्न लागिएको उनले बताईन । ५ सय १ मुल समारोह समिति गठन गरि महोत्सवको तयारी थालिएको अध्यक्ष घर्तीले बताईन ।  जनजाति नमुना गाउँ, आदिवासीको कला संस्कृतीलाई मुख्य प्राथमिकतामा राखेर महोत्सव संचालन हुने आयोजकको भनाई छ ।