तनहुँ । तनहुँको भानु नगरपालिको कार्यालयमा कार्यरत नायव सुब्बा शंकर रानाभाट कार्यालय बंक गरेर पार्टी बैठकमा हिड्ने गरेको रहस्य खुलेको छ ।
भानु नगरपालिकाको नासु पदमा रहेका रानाभाट नेकपा तनहुँ जिल्ला स्तरीय नेताको रुपमा सक्रिय रहेको पाइएको छ । नेकपा तनहुँको बिहीबार बसेको जिल्ला सचिवालयको बैठकमा रानाभाटको सहभागिता देखिएको हो ।
पार्टी श्रोतका अनुसार नेकपा तनहुँको बैठक बिहीबार दिउसो करिब १२ बजेबाट शुरु भएर साँझ ५ बजे सम्मै चलेको थियो । पार्टीमा सागर क्षेत्रीका नामले चिनिने रानाभाट यस अघि समेत पार्टी गतिवधिमा सक्रिय रहेको आरोप लाग्दै आएको थियो ।
नेकपा तनहुँको सचिवालय बैठकमा रानाभाट दोश्रो लहरमा रहेको प्रष्ट देख्न सकिन्छ । नगरपालिकामा हाजिर गरेर जनताको करबाट उठेको रकमबाट सेवा सुविधा लिने रानाभाटले नगरपालिकाको भन्दा पार्टीको काममा लाग्ने गरेको आरोप लाग्दै आएको छ ।
रानाभाट कार्यालयमानै करिब १ बजे सम्म कार्यालयमा रहेको नगरपालिका सुचना अधिकारी सुनिल पाण्डेले गण्डक न्युजलाई बताए ।
पाण्डेले नासु रानाभाट कार्यालयमा रहेको जिकिर गरेतापनि नासु शंकर रानाभाटले आफु सुचना अधिकारीसँग बिदा मागेर १२ बजे ब्यक्तिगत कामको शिलशिलामा हिडेको बताए ।
प्रमुख जिल्ला अधिकारी रुद्रप्रसाद पण्डितले सरकारी सेवामा रहेको ब्यक्ति पार्टीको सक्रिय पदमा रहेर काम गरेको प्रमाण भेटिएमा सेवाबाटै बरखास्त हुने नियम रहेको बताए ।
रानाभाट नगरपालिकामा रहेर आफन्तको नाममा रहेको कम्पनीलाई ठेक्का पट्टा पार्ने गरेको आरोप समेत लाग्ने गरेको छ । विशेष गरेर योजना फाटमा रहेर आर्थिक चलखेल गर्ने गरेको नगरपालिकाका एक बोड सदस्यले नाम नबताउने सर्तमा गण्डक न्युजलाई बताए ।
सम्बन्धित खबर
पामेका अनधिकृत संरचनामा महानगरको डोजर
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
स्याङ्जा साल्मेडाँडाको गोर्खा स्मारक निर्माण कार्यलाई तीव्रता दिइने
पोखरामा एकै दिन दुई किशोरको डुबेर मृत्यु, फुस्रेखोलामा फेरि १६ वर्षका सुप्रिम डुबे
अनेरास्ववियु कास्कीले गर्यो बुद्धिचाल प्रतियोगिता
वर्ल्ड लिङ्कले ट्राफिकलाई गर्यो सहयोग, ६५ थान सामाग्री हस्तान्तरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग