चलचित्र पत्रकार संघ, पोखरा शाखाको अध्यक्षमा अरुण गिरी निर्वाचित भएका छन् । संघको चौथो अधिवेशनले गिरीको अध्यक्षतामा नयाँ कार्यसमिति चयन गरेको हो । गिरीले निकटतम प्रतिद्वन्द्वी राजाराम पौडेललाई ४ मतान्तरले पराजित गरे । गिरीको १५ र पौडेलको ११ मत आएको थियो ।
उपाध्यक्षमा सन्तोष सुवेदी निर्विरोध चयन भए । यस्तै, सचिवमा प्रभु अधिकारीले सुशन घिमिरेलाई ४ मतान्तरले पछाडि पारे । अधिकारी र घिमिरेले पनि क्रमशः १५ र ११ मत प्राप्त गरे । सह-सचिवमा सन्तोष बस्याल निर्विरोध चयन भए । कोषाध्यक्षमा भने कसैको उम्मेदवारी परेन । अबको कार्यसमिति बैठकबाट सदस्यमध्येबाट मनोनित गर्ने नवनिर्वाचित अध्यक्ष गिरीले जनाए ।
संघका सदस्यहरुमा शंकर तिवारी, आशिष पुरी, प्रकाश राज तिवारी (अर्पण), बिनिता सुनार निर्विरोध चयन भएका हुन् । केन्द्रिय प्रतिनिधिमा बोधराज रेग्मी र सुशन घिमिरे चयन भएका छन् । पुरीले गण्डकन्यूज डटकमबाट प्रतिनिधित्व गरेका छन् ।
नेपाल पत्रकार महासंघ गण्डकी प्रदेशका संयोजक त्रिभूवन पौडेल संयोजक र चलचित्र निर्देशक घनश्याम लामिछाने, पोखरा फिल्म सोसाइटीका अध्यक्ष जितेश प्रधान सदस्य रहेको निर्वाचन समिति बनेको थियो ।
कार्यक्रममा बोल्दै नेपाल पत्रकार महासंघ केन्द्रिय सदस्य रामकृष्ण ज्ञवालीले मनोरञ्जन क्षेत्र सबैभन्दा बिक्ने क्षेत्र भएकाले यसमा कलम चलाउनेहरुको अभाव पोखरामा खड्किएको अवस्थामा नयाँ कार्यसमितिले ध्यान दिने विश्वास गरे । चलचित्र पत्रकार संघ कास्कीका संस्थापक अध्यक्ष श्रीराम सिग्देलले मोफसल पत्रकारिता बिट अवधारणबाट बाँच्न नसकेको बताएका थिए । गण्डकी प्रदेशले पोखरालाई फिल्म सिटी घोषित गरेता पनि बिट पत्रकारितामा मोफसल अझै पछि रहेको उनको धारणा थियो ।
त्यस्तै, चलचित्र पत्रकार संघका केन्द्रिय उपाध्यक्ष दिनेश सिटौलाले पत्रकारले इमान्दार भएर काम गर्नु पर्ने उल्लेख गरे । चलचित्र पत्रकारितामा निश्पक्ष भएर लाग्न नयाँ कार्यसमितिका पदाधिकारीलाई उनको आग्रह थियो। ‘पछिल्लो समयमा चलचित्र पत्रकारितामा नकारात्मक धारणा आएका छन्’, उनले भने, ‘यसले समाजमा चलचित्र प्रति दर्शकहरुको रुचीलाई घटाएको छ ।’
नेपाल पत्रकार महासंघ गण्डकी प्रदेशका अध्यक्ष त्रिभुवन पौडेलले मोफसलमा व्यवसायिक रंगपत्रकारिताको माहौल थालनी गर्नु पर्ने बताए । नयाँ कार्यसमितिबाट पोखरा रंगपत्रकारितामा धेरै अपेक्षा गरेको उनको भनाइ थियो ।
निर्वतमान अध्यक्ष रेम बिकको अध्यक्षतामा सम्पन्न भएको अधिवेसनमा गुरुङ फिल्म एशोसेसनका अध्यक्ष भोज बहादुर गुरुङ र पोखरा फिल्म सोसाइटीका अध्यक्ष जितेश प्रधान लगायतले बोलेका थिए ।
नवनिर्वाचित कार्यसमितिलाई मिडटाउन सिनेमाजको बधाई
यसैबीच, चलचित्र पत्रकार संघ, पोखराका नवनिर्वाचित कार्यसमितिलाई न्युरोडस्थित मिड टाउन सिनेमाजले बधाई तथा सम्मान गरेको छ । संघका पदाधिकारी तथा सदस्यहरुलाई बुधबार सम्मान र स्वागत कार्यक्रमको आयोजना गर्दै आगामी दिनमा संगसंगै सहकार्य गर्ने प्रतिबद्धता जनाएको छ ।
अध्यक्ष अरुण गिरीले मिड टाउन सिनेमाजलाई न्यानो आतिथ्यता र स्वागतका लागि धन्यवाद दिँदै संघलाई सिनेमाजको साथ, सहयोग र सल्लाहको अपेक्षा रहेकोे बताए । संघको नवनिर्वाचित पदाधिकारी तथा सदस्यहरुलाई सिनेमाजका प्रोपर्टी म्यानेजर विवेक श्रेष्ठले कार्यसमितिलाई सफलताको शुभकामना व्यक्त गरे ।
सम्बन्धित खबर
द्वितीय युद्धकालीन उपन्यास ‘खोजीमा’ पोखरा आइपुग्यो
कोरोला नाकामा पहिलो पटक बत्ती बल्यो
गण्डकी मुख्यमन्त्री अधिकारीले २३ गते ३ बजे विश्वासको मत लिँदै
पोखरामा धुवाँको कालो मुस्लो फ्याँक्ने ११ गाडी नियन्त्रण
कुश्मा वडा नं. २ मा ‘ज्येष्ठ नागरिकसँग वडाध्यक्ष’ कार्यक्रम प्रभावकारी
स्याङ्जामा आगलागीका घटना दिनहुँ बढ्दै, लाखौंको क्षति
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग