तनहुँ । तनहुँबाट माध्यमिक शिक्षा परीक्षा अर्थात एसईईको लागि ६ हजार भन्दा परीक्षार्थी सहभागी हुने भएका छन । आगामी चैत ६ गतेबाट शुरू हुने यस वर्षको एसईई परीक्षामा जिल्लाबाट ६ हजार २ सय ८१ जना छात्रछात्रा सहभागी हुने भएका हुन् ।
जिल्लाका १ सय ७८ विद्यालयका विद्यार्थीहरु सहभागी हुने परिक्षाका लागि २४ वटा केन्द्र तोकिएको शिक्षा समन्वय एकाइ तनहुँका प्रमुख रमकान्त शर्माले जानकारी दिए ।
उनले थपे ‘परीक्षालाई मर्यादित बनाउन अनुगमन तथा व्यवस्थापनलाई प्रभावकारी बनाउनेछौ ।’ शान्ति सुरक्षाका लागि जिल्ला प्रशासन, जिल्ला प्रहरी कार्यालय र सशस्त्र प्रहरी दल सँग समन्वय गरेको प्रमुख शर्माले बताए ।
‘ऋषिङमा र घिरिङ गाउँपालिकामा केन्द्र थपेका छौ ।’ उनले भने ‘विद्यालयहरु मर्ज भएकाले र भौगोलीक हिसाबको कारणले केन्द्र थपेका हौ ।’
गत वर्ष व्यास नगरपालिकामा ७, म्यादे गाउँपालिकामा १, शुक्लागण्डकी नगरपालिकामा ७, भिमाद नगरपालिकामा १, बन्दिपूर गाउँपालिकामा ३, भानगाउँपालिकामा ३, आबुँखैरेनी गाउँपालिकामा १ र देवघाट गाउँपालिकामा १ वटा मात्र परिक्षा केन्द्र रहेको थियो ।
परीक्षालाई मर्यादित ढङ्गबाट सञ्चालन गर्न शान्ति सुरक्षामा विशेष जोड दिने प्रमुख जिल्ला अधिकारी रुद्रप्रसाद पण्डितले बताए । त्यस्तै जिल्ला प्रहरी कार्यालय तनहुँका प्रमुख विनोद शिलवालले एक केन्द्रमा सात देखि आठ जना प्रहरी रहने बताए ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग