काठमाडौं । नेकपा सांसद कृष्णकुमार (किसान) श्रेष्ठले आफूलाई लागेको सांसद अपहरणको आरोप प्रमाणित भए झुन्डिएर मर्न तयार रहेको बताएका छन् ।
सोमबार प्रतिनिधिसभाको बैठकमा सरकारको नीति तथा कार्यक्रममाथिको छलफलमा बोल्दै सांसद श्रेष्ठले प्रमाणित गरे सांसदहरुकै अगाडि आफू झुन्डिन तयार रहेको बताए ।
उनले डा. बाबुराम भट्टराईलाई लक्षित गर्दै हामीलाई आरोप लगाउने डाक्टरहरु पनि झुन्डिन तयार हुनुहुन्छ भन्दै प्रश्न गरे ।
उनले भने– ‘सभामुख महोदय, यहाँ केही हप्ता अगाडि सांसद अपहरणको कुरा आएर म लगायत माननीय महेश बस्नेतको जुन चरित्र हत्या भयो । सम्पूर्ण माननीय ज्यूहरुलाई साक्षी राखेर भन्न चाहन्छु, अपहरणको आरोप लगाउनेलाई म चुनौती दिन चाहन्छु, यदि प्रमाणित भयो भने सबै माननीयज्यूहरुको अगाडि झुन्डिएर मर्न तयार छु । के हामीलाई आरोप लगाउने डाक्टरहरु पनि झुन्डिन तयार छन् ?’
सांसदहरु श्रेष्ठ, महेश बस्नेत र पूर्व प्रहरी प्रमुख सर्वेन्द्र खनाललाई लकडाउनका बेला जनकपुर पुगेर तत्कालिन समाजवादी पार्टीका सांसद सुरेन्द्र यादवलाई अपहरण गरेर काठमाडौं ल्याएको आरोप लागेको छ ।
उनले राष्ट्रपतिले प्रस्तुत गरेको नीति तथा कार्यक्रममा नेपालको छुटेको भूमी लिम्पियाधुरा सहितको नक्सा प्रकाशन गर्ने घोषणाले सबै नेपालीलाई खुसी तुल्याएको समेत उल्लेख गरे ।
उनले लामो समयदेखि भारतसँगको सीमा विवाद कुटनीतिक तबरबाट समाधान गर्ने सरकारको निर्णय आफैमा ऐतिहासिक रहेको उल्लेख समेत गरेका छन् ।
उनले सरकारको नीति तथा कार्यक्रम जनताको हितका लागि भएको, जनतालाई राहतको व्यवस्था गरेको, कृषि क्षेत्रको विकास, घरेलु तथा मझौला उद्योगको विकास गर्नेतर्फ केन्द्रीत भएको भन्दै खुसी व्यक्त गरे ।
उनले स्वास्थ्य संस्थाको विकास गर्ने नीतिले सबै नेपालीमा स्वास्थ्य पहुँच पुग्ने अपेक्षा लिएको पनि उल्लेख गरे ।
हेर्नुहोस् भिडियोः
https://www.facebook.com/being.basnet1/videos/1632836223545466/UzpfSTEwMDAwMDQ2MDczMTE2NDo0MDgwODA4NDI4NjExMTQx/
This will close in 4 seconds
सम्बन्धित खबर
विद्यमान परिस्थितिमा नेपालले सन्तुलित कूटनीति अपनाउनुपर्छ: गण्डकी मुख्यमन्त्री पाण्डे
सार्वजनिक स्थलमा धूम्रपान र सूर्ति सेवन नगर्न प्रशासनको आग्रह, उल्लंघन गरे कारबाही हुने
बिलभन्दा बढी सामान बोकेको बोलेरो नियन्त्रणमा
पोखराबाट भरतपुर र नेपालगञ्जसम्मको हवाई उडान स्थगित
बोक्रो फेरिँदैमा भित्री गुदी फेरिँदैन : सांसद रेग्मीलाई अर्जुनचौपारीको व्यंग्यात्मक जवाफ
महालेखा परीक्षक कार्यालयको प्रतिवेदन गण्डकी प्रदेश प्रमुख समक्ष पेस
यो पनि पढौँ
फिर्के खोलाका संरचना जेठ ९ गतेभित्र हटाउन महानगरको अन्तिम चेतावनी
सबै यात्रु पिसाब फेर्न ओर्लिनासाथ जिप भिरबाट खस्यो, चालकको मृत्यु
फेवातालमा पौडी खेल्ने क्रममा डुबेर मृत्यु
रविसँग रास्वपा सांसदका गुनासो, ‘प्रधानमन्त्री र मन्त्रीको सचिवालयले पनि टेरेन’