तनहुँ । कोरोना भाइरस (कोभिड-१९) नियन्त्रणका लागि विश्वब्यापी रुपमा लकडाउन गरिए सँगै नेपालमा पनि लकडाउन गरिएको छ ।

दैनिक ज्याला मजदुरी गरि जिविकोपार्जन गर्ने ज्यालादारी वर्ग लकडाउनका कारण प्रत्यक्ष प्रभावित भएका छन ।

हालको जटिल अवस्थालाई मध्यनजर गर्दै परियार युवा राष्ट्रिय तथा अन्तर्राष्ट्रिय अभियानले तनहुँको घिरिङ्ग गाउँपालिका वडा नं ३ को अर्चलकोट र मान्पुर टोलका २१ घर ज्याला मजदुरि एबम विपन्न परिवारलाई बुधबार राहत वितरण गरेको छ ।

राहतमा चामल, नुन, तेल, दाल र सोयाबिन वितरण गरिएको थियो ।

उक्त अभियानमा आवद्ध अभियान्ताहरुले व्यक्तिगत रकम संकलन गरेर उक्त गाउँका विपन्न परिवारहरुलाई राहत वितरण गरेको परियार युवा राष्ट्रिय तथा अन्तर्राष्ट्रिय अभियानका महासचिव अन्जान परियारले जानकारी दिए ।

अभियानमा विदेश संयोजक बिमल परियार र राष्ट्रिय संयोजक केशब परियार रहेका छन ।

अभियानले पहिलो चरणको राहत वितरण दाङमा र दोस्रो चरणको राहत तनहुँमा गरेको हो ।

लकडाउन बढ्दै गए अन्य ठाउँमा पनि सहयोग गर्ने जनाएको छ ।

उनले भने ‘देशमा लकडाउनकै समयमा धेरै जातिय भेदभावका घटनाहरु घटिरहेको देख्दा दुख लागेको छ यद्यपि आफुहरुले राहत वितरण गर्दा कुनैपनि जात र धर्म नभनी मात्र समस्या हेरि समाधान गरेको बताए ।

गाउँपालिकाले दिएको पहिलो चरणको राहत सकिए पछि फेरि राहतको आशामा बसिरहेको बेला राहत पाउँदा स्थानिय हरुले खुसी महसुस गरेका छन ।