काठमाडौं । राष्ट्रपति कार्यालयमा एक करोडको गलैँचा फेर्ने लागेको छ । लकडाउनका कारण देशको हालत बिग्रँदो छ । रोगसँगै भोकबाट जनता आहत हुने बेला भएको छ । यही बेला राष्ट्रपति भवनमा एक करोडको गलैँचा फेर्न लागिएको छ ।

कोरानाका संक्रमितको उपचार गर्नका लागि भेन्टिलेटर नभएको र क्वारेन्टाइनमा बस्नेहरूको बिजोक रहेको बेला राष्ट्रपति भण्डारी बस्ने घरमा यति महँगो गलैँचा परिवर्तन गर्न थालिएको भन्दै आलोचना सुरु भएको छ । कहिले प्रहरी हटाएर भवन विस्ता, कहिले हेलिकोप्टर किन्ने भनेर राष्ट्रपतिलाई नै विवादमा पार्ने काम हुँदै आइरहेको छ । यसतर्फ राष्ट्रपति सचिवालयसँगै स्वयं राष्ट्रपतिको ध्यान जानु पनि जरुरी रहेको छ ।

तीन वर्षअगाडि निर्माण गरिएको उक्त भवनमा दुईवटा ठूला हलका लागि करिब ३०-३० लाख पर्ने गलैँचा र अन्य कोठाहरुका लागि करिब ४० लाख पर्ने गलैँचा फेर्न लागिएको हो ।

सत्तारुढ नेपाल कम्युनिस्ट पार्टी ९नेकपा० का गण्डकी प्रदेश सांसद रामबहादुर गुरुङले ठेक्का पाएको राष्ट्रपति भण्डारी बस्ने नयाँ भवनमा महँगो गलैचा फेर्न लागिएको स्रोतले जनाएको नयाँ पत्रिका दैनिकले समाचार प्रकाशित गरेको छ ।

हिमालयन डेकोरले गलैँचा फेर्न लागेको छ । त्यसको टेण्डर डेकोरले पाएको छ । यो कम्पनी गण्डकी प्रदेशका नेकपा सांसद गुरुङको हो । गुरुङ तनहुँ–१ ‘क’ बाट निर्वाचित भएका थिए ।