पोखरा । हाम्रो सहयोगी बचत तथा ऋण सहकारी संस्थाले पोखरा–९ पृथ्वीचोकमा ११औं वार्षिउत्सवको अवसरमा रक्तदान कार्यक्रम गरेको छ ।

रक्तदान कार्यक्रममा ३१ पिन्ट रगत संकलन गरिएको सहकारी संस्थाले जनाएको छ । संस्थाका अध्यक्ष शुक्रराज कंडेलको सभापतित्वमा सो कार्यक्रम सम्पन्न थियो ।

कार्यक्रमका प्रमुख अतिथि पोखरा महानगरपालिका सहकारी समितिका प्रमुख तेज नारायण अधिकारी रहेका थिए । सो अवसरमा प्रमुख अतिथि अधिकारीले विषम परिस्थितिमा पनि रक्तदान कार्यक्रम आयोजना गरेर सहकारीले आफ्नो सामाजिक उत्तरदायित्व बहन गरेको बताए ।

सोही अवसरमा पोखरा महानगरको विपत व्यवस्थापन कोषमा सहकारीले २२ हजार २ सय २२ रुपैयाँ सहयोग समेत गरेको छ । साथै सहकारीले २०७७ सालको भित्तेपात्रो पनि लोकार्पण गरेको छ ।

उक्त कार्यक्रममा संस्थाका पुर्वअध्यक्ष तथा सल्लाहकार किसन सुनार, सल्लाहाकार राधिका योगी शाही, संस्थाका कार्यसमिति सदस्यहरु, कर्मचारीहरु लगायतको उपस्थिति थियो ।

सामाजिक दुरी कायम गरि गरिएको उक्त रक्तदान कार्यक्रममा स्वागत संस्थाका उपाध्यक्ष सुबास ढुंगाना र कार्यक्रम संचालन संस्थाका सचिव लोकेन्द्र कुमार राईले गरेका थिए ।