तनहुँ । तनहुँको आबुखैरेनी गाउँपालिकामा पीसीआर विधिबाट कोरोना परीक्षणको लागी बिहिबार ९५ जनाको थ्रोट स्वाब संकलन गरिएको छ ।
सोमबार पहिलो पटक गाउँपालिकाका ३ जना व्यक्तिमा कोरोना संक्रमण पुष्टि भएको थियो । सुरक्षाकर्मीमा नै कोरोना देखिएपछि गाउँपालिकाले स्वाब संकलनको दायरा बढाएको हो ।
कोरोना पुष्टि भएका ३ जना संक्रमित पुरुष मध्ये २ जना भारतबाट आएर रामशाह माध्यमिक विद्यालयकाे क्वारेन्टाइनमा बसेका र १ जना सुरक्षाकर्मी रहेको आँबुखैरेनी गाउँपालिका स्वस्थ्य शाखाका प्रमुख अगमराज उपाध्यायले जानकारी दिए ।
तनहुँको आँबुखैरेनीमा सोमबार देखा परेका ३ जना कोरोना संक्रमितलाई जिपी कोईराला राष्ट्रिय स्वास प्रश्वास उपचार केन्द्र आइसोलेसनमा राखिएको छ ।
कोरोना संक्रमितको सम्पर्कमा रहेकाहरुको पनि परीक्षणका लागि स्वाब संकलन गरिएको गाउँपालिकाले जनाएको छ ।
बिहिवार स्वाब संकलन गरिएकामा क्वारेन्टाइनमा रहेका १० जना, होम क्वारेन्टाइनमा रहेका २ जना, कर्मचारी ६, जनप्रतिनिधि ५, स्वास्थ्यकर्मी १०, सशस्त्र प्रहरी ८, नेपाली सेना ४, सुरक्षाकर्मी र संगै रहेका परिवार ५० जना गरि ९५ जना रहेको गाउँपालिका स्वास्थ शाखा प्रमुख अगमराज उपाध्यायले जानकारी दिए।
यस्तै संकलन गरिएको स्वाव नमुना परिक्षणका लागि प्रदेश जनस्वास्थ्य प्रयोगशाला पोखरा पठाइएको उनले जानकारी दिए । स्वाबको नमुना रामशाह मावि आबुखैरेनी र मित्रता मावि सत्रसयमा संकलन गरिएको थियो ।
सम्बन्धित खबर
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
बेगनास तालमा पौडी खेल्ने क्रममा डुबेर युवकको मृत्यु
नेपाल पत्रकार महासंघ स्याङ्जाद्वारा तीन पूर्व अध्यक्षलाई सम्मान
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु