व्यासका ६ वर्षीय बालकसहित तनहुँका २ जनामा कोरोना पुष्टि, संक्रमितको संख्या १४० पुग्यो

गण्डक न्यूज आइतबार, २१ असार २०७७

२१ असार २०७७

तनहुँ । तनहुँका थप २ जनामा कोरोना संक्रमण पुष्टि भएको छ । आज आइतबार थपिएका मध्य व्यास नगरपालिकाका ६ वर्षीय बालक समेत रहेका छन ।

अर्का एक जना भने शुक्लागण्डकी नगरपालिकाका २८ वर्षीय पुरुष हुन । योसंगै तनहुँमा कोरोना संक्रमितको संख्या १४० जना पुगेको छ ।

हिजो शनिबार मात्रै तनहुँकाे भिमाद नगरपालिकाका ३६ वर्षीय पुरुषमा काेराेना पुष्टि भएको थियो ।

तनहुँको कुन स्थानीय तहमा कति कोरोना संक्रमित ?

गत जेठ १८ गते तनहुँमा पहिलो संक्रमित भेटिएको थियो । यो अवधिमा जिल्लामा संक्रमितको संख्या १ सय ४० जना पुगेको छ भने ३६ जना निको भएर घर फर्किएका छन् ।

हालसम्म जिल्लाको व्यास नगरपालिकामा १७ जना, ऋषिङ गाउँपालिकामा ४२ जना, भानु नगरपालिकामा ७ जना, घिरिङ गाउँपालिकामा २६ जना, शुक्लागण्डकी नगरपालिकामा ९ जना, बन्दिपुर गाउँपालिकामा १९ जना, आबुखैरेनी गाउँपालिकामा ४ जना (लमजुङको बेशीसहर ठेगाना भई तनहुँको आबुँखैरेनीमा कार्यरत ३८ वर्षीय पुरुष), भिमाद नगरपालिकामा ६ जना, देवघाट गाउँपालिकामा १ जना र म्याग्दे गाउँपालिका ९ जनामा कोरोना संक्रमण पुष्टि भएको छ ।

त्यस्तै आइतबार नै बाग्लुङको गाउँपालिकाका २४ वर्षीय पुरुषमा पनि कोरोना संक्रमण पुष्टि भएको स्वास्थ्य निर्देशनालय गण्डकी जनाएको छ ।

योसंगै गण्डकी प्रदेशमा कोरोना संक्रमितको संख्या १ हजार ९१ जना पुगेको छ ।

प्रदेश क्षयरोग केन्द्र पोखरामा गरिएको परिक्षणमा गण्डकी प्रदेशमा नयाँ ३ जना थपिएका हुन ।

सबै संक्रमितलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भईरहेको स्वास्थ्य निर्देशनालय गण्डकीले जनाएको छ ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।