तनहुँ । तनहुँको बन्दिपुर-१ नाहालामा भासिएको सडकको मर्मत सम्पन्न भएको छ । पृथ्वीराजमार्ग अन्तर्गत जिल्लाको दमौली–डुम्रे सडकखण्ड सोमबार रातिदेखि दुईतर्फी सञ्चालनमा आएको छ ।

अविरल परेको वर्षासँगै गत साउन ६ गते भासिएको सडक मर्मत गरिएपछि राजमार्ग दुईतर्फी सञ्चालनमा आएको हो ।

डिभिजन सडक कार्यालय तनहुँले भासिएको सडक मर्मत गरेपछि राजमार्ग दुईतर्फी रुपमा सञ्चालनमा आएको सहायक प्रमुख जिल्ला अधिकारी चित्राङ्गत बरालले जानकारी दिए ।

डिभिजन सडक कार्यालयले शनिबारदेखि सडक मर्मतको काम थालेको थियो । उक्त सडकखण्ड गत शनिबार रातिदेखि एकतर्फी सञ्चालनमा आएको थियो ।

सडक भासिएपछि सवारी सञ्चालनका लागि वैकल्पिक मार्ग बनाइएपनि सवारी साधन फस्न थालेका थिए ।

वैकल्पिक मार्गमै पटकपटक सवारी साधन फस्न थालेपछि शनिबार बिहानैदेखि राजमार्ग उक्त भासिएको खण्ड पुर्ण बन्द गरेर मर्मत शुरु गरिएको थियो ।

काम त सकियो तर सोचे अनुरुपको इञ्जिनियरिङ्ग भएको देखिदैन बन्दिपुर-१ का वडाअध्यक्ष भानुभक्त पोख्रेलले बताए ।

मूलको पानि कटाउन राखिएको प्लास्टिकको कालो पाइप । तस्बिर : भानुभक्त पोख्रेल

‘मूलको पानि कटाउन प्लास्टिकको कालो पाइप हालिएको छ । वडाअध्यक्ष पोख्रेलले भने ‘त्यहाँ ह्युम पाइप हाल्नुपर्ने हो तर हालिएको छैन ।’ अहिले तत्कालका लागि होला तर दिर्घकालिन समाधान भने नभएको वडाअध्यक्ष पोख्रेलले बताए ।

यो पनि :

तनहुँको नाहालामा अवरुद्ध सडक एकतर्फि खुल्यो, साँझसम्म पृथ्वीराजमार्ग पुर्ण सुचारु हुने (अपडेट)

तनहुँको नाहालामा भासिएको सडकको मर्मत जारी: ह्युम पाइप राख्नुपर्ने ठाउँमा प्लाष्टिकको पाइप !

तनहुँको नाहालामा भासिएको सडक मर्मत हुँदै: एम्बुलेन्स बाहेक अन्य सवारी पास नहुने

तनहुँको नाहालामा बनाइएको डाईभर्सनमा मालवाहक ट्रक फस्यो: पृथ्वी राजमार्ग फेरी अवरुद्ध (फोटो/भिडियो सहित)

तनहुँको नाहालामा डाईभर्सन बनाएर अवरुद्ध पृथ्वी राजमार्गको एकतर्फी बाटो खुलाइयो (अपडेट)

तनहुँको नाहालामा पक्की सडक भासिँदा पृथ्वीराजमार्ग अवरुद्ध: मर्मत हुँदै, सुचारु हुन १ घण्टा लाग्ने