पोखरा – गण्डकीमा थप १४ जनामा कोरोना संक्रमण पुष्टि भएको छ ।

स्वास्थ्य निर्देशनालयका अनुसार प्रदेशका २ जिल्ला तनहुँ र नवलपुरका बिभिन्न स्थानीय तहका १४ जनामा कोरोना संक्रमण पुष्टि भएको हो ।

संक्रमितहरु तनहुँको शुक्लागण्डकी नगरपालिका वडा नं -४ का २९ वर्षीय पुरुष र व्यास नगरपालिका -३ का ३८ वर्षीय पुरुषमा कोरोना पुष्टि भएको छ ।

यस्तै नवलपुरको कावासोती नगरपालिका वडा नं -३ का ३८ र २२ वर्षका पुरुष, कावासोती -२ का ४९, २२, ५४ र २६ वर्षका  पुरुष, हुप्सेकोट गाउँपालिका -३ का ४२ वर्षीय पुरुष, देवचुली नगरपालिका -१ का १७ वर्षीय युवक, गैंडाकोट नगरपालिका -१ का एक पुरुष (उमेर नखुलेको) गैंडाकोट -७ का ३३ वर्षीय पुरुष र २७ वर्षीया महिला र गैंडाकोट -५ की २८ वर्षीया महिलामा कोरोना पुष्टि भएको निर्देशनालयका प्रमुख डा. विनोद विन्दु शर्माले जानकारी दिए ।

संक्रमित सबैलाई सम्बन्धित जिल्लाको आइसोलेसन कक्षमा लगिसकेको छ ।

यो संगै गण्डकीमा कोरोना संक्रमितको कुल संख्या  १७८३ पुगेको छ ।