पोखरा – सोमबार बिहान गण्डकीमा थप ८ जनामा कोरोना संक्रमण पुष्टि भएको छ ।
स्वास्थ्य निर्देशनालयको सोमबार बिहानको पहिलो अद्यावधिक विवरण अनुसार क्षयरोग उपचार केन्द्र पोखरामा गरिएको परीक्षणमा प्रदेशका ५ जिल्लाका ८ जनामा कोरोना संक्रमण पुष्टि भएको हो ।
संक्रमितहरु नवलपुर, तनहुँ, स्याङ्गजा, बाग्लुङ र म्याग्दीका छन् ।
नवलपुरको बिनय त्रिबेणी गाउँपालिका -१ का ६ वर्षीया बालिका सहित २८ वर्षका पुरुषमा कोरोना संक्रमण देखिएको छ ।
तनहुँको ब्यास र शुक्लागण्डकी नगरपालिकामा क्रमश: वडा नं -५ र ४ का २६ र २८ वर्षका पुरुषमा कोरोना संक्रमण पुष्टि भएको छ ।
यता बाग्लुङ नगरपालिका -२ का २० /२० वर्षका दुई युवकको परीक्षण रिपोर्ट पोजेटिभ आएको छ ।
म्याग्दीको बेनी नगरपालिकाका २० वर्षीय (वडा नखुलेको) युवक र स्याङ्गजाको पुतलीबजार नगरपालिकाका ३७ वर्षीय (वडा नखुलेको) पुरुषको परीक्षण रिपोर्ट पनि पोजेटिभ आएको निर्देशनालयका प्रमुख डा. विनोद विन्दु शर्माले जानकारी दिए ।
जसमध्ये स्याङ्जाका १ जना संक्रमित र तनहुँ ब्यासका १ संक्रमित गरी कूल २ जना संक्रमित नेपाल आर्मीमा कार्यरत रहेको खुलेको छ भने, म्याग्दीमा पुष्टि भएका अर्का संक्रमित नेपाल प्रहरीमा कार्यरत रहेको निर्देशनालयले जनाएको छ ।
यो संगै गण्डकीमा संक्रमितको कूल संख्या १८८८ पुगेको छ । जसमा १६१२ अर्थात् ८५.३८ प्रतिशत संक्रमित निको भएर घर फर्किसकेका छन् ।
संक्रमित सबै व्यक्तिहरु कन्ट्याक्ट ट्रेसिङका क्रममा नमुना स्वाब दिएर बसेका हुन् । उनीहरु सबैलाई अहिले सम्बन्धित जिल्लाका आइसोलेसन कक्षमा लैजाने तयारी भैरहेको छ ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग