पोखरा – पोखरामा विहीबार कोरोना संक्रमणका कारण मृत्यु भएकी ३२ वर्षीया महिला निमोनियाको रोगी रहेको बुझिएको छ ।

पोखरा महानगरपालिका स्वास्थ्य माहाशाखाका एक कर्मचारीका अनुसार गत भाद्र ७ गते कोरोना पुष्टि भइ पोखरा स्वास्थ्य विज्ञान प्रतिष्ठान (पश्चिमान्चल) अस्पतालको आइसीयुमा उपचारत पोखरा -१२ की महिलामा निमोनिया र फोक्सोमा समस्या आएको बुझिएको परिवारलाई उद्धृत गर्दै ती कर्मचारीले बताए ।

‘मृतकको घर पोखरा -११ हो, उनको कुनैपनि ट्राभल हिष्ट्री पाइएको छैन’ ती कर्मचारीले गण्डक न्युजसंग भने । यद्यपी, उनी पोखरा ११ को नभई पोखरा १२ को भएको भन्दै प्रतिक्रिया आइरहेका छन् ।

उनी साइ अर्चना, मणिपाल, कास्की सेवा हुँदै पोखरा स्वास्थ्य विज्ञान प्रतिष्ठानको कोभिड विशेष कक्षमा पुगेकी थिइन् । यसअघि सेवा हस्पिटलमा कोरोना भाइरसबाटै भदौ १ गते ज्यान गुमाउने तनहुँकी महिलासँग् एउटै वार्डमा उनी बसेको खुलेको छ । त्यसपछि स्वाब परिक्षण गर्दा सेवा हस्पिटलका एक जना नर्स र आज मृत्यु हुने महिलामा कोरोना संक्रमण पुष्टि भएको थियो ।

विहीबार विहान ८ बजे संक्रमित महिलाको मृत्यु भएको अस्पतालका निर्देशक डा. अर्जुन आचार्यले पुष्टि गरेका थिए ।