पोखरा, २४ माघ  । राष्ट्रियसभाको चुनावमा प्रदेश नम्बर ४ को सबै नतिजा सार्वजनिक भएको छ । ५ सीट वाम गठबन्धनले जितेको छ भने ३ सीट काँग्रेसले हात पार्यो । गठनबन्धनबाट खुल्लामा २, महिलामा २ र दलितमा १ जना विजयी भएका छने भने नेपाली काग्रेसले खुला र महिलाबाट एक एक जना बिजयी भएका छन् ।

खुल्ला तर्फ वाम गठबन्धनका पर्वतका गणेश तिमिल्सिना, बागलुङका दिननाथ शर्मा, नेपाली काग्रेसका गोरखाका सुरेन्द्र राज पाण्डे विजयी बने । उनीहरुले राष्ट्रिय जनमोर्चाका कृष्ण अधिकारी भन्दा बढि मत ल्याउदै बिजयी भएका हुन् ।

त्यसै गरि महिला तर्फ वाम गठबन्धनबाट बागलुङकी शान्ती जिसी, लमजुङकी दीपा गुरुङ, नेपाली काग्रेसकी कास्कीकी विन्दा राना बिजयी भए । उनीहरुले राष्ट्रिय जनमोर्चाकी मीना पुन भन्दा बढि मत ल्याउदै बिजयी भनेका हुन् ।

दलित कोटामा एमालेका खेमबहादुर विक विजयी भएका छन् । उनले नेपाली काग्रेसका जीतबहादुर नेपालीलाई हराउदै बिजयी बने । विकले ३३ सय ९६ मत प्राप्त गरे भने नेपालीले २२ सय ९८ मत प्राप्त गरे । निर्वाचन अगाडी नै अपाङ्गता भएकाको कोटामा तनहूँका प्रकाश पन्थ बिजयी भएका थिए । एमालेका अपाङ्गतर्फ स्याङजाका रामबहादुर थापाको उमेद्वारी निर्वाचन आयोगले खारेज गरे पछि काग्रेसका पन्थ विजयी भएका हुन् ।

स्थानीय तहका १ सय ७० जनाको ३ हजार ६० मतभार र प्रदेश सभा सभासद् ५९ जनाको २ हजार ८ सय ३२ मतभार रहेको छ ।

गणेश तिमिल्सिना १७८२
दिननाथ शर्मा १५३०
सुरेन्द्र राज पाण्डे २२६२
कृष्ण अधिकारी १९८

शान्ती कुमारी अधिकारी जिसी १५१२
दीपा गुरुङ १७१६
विन्दा देवी आले राना २२७४
मीना पुन २७४