तनहुँ । तनहुँको आबुँखैरेनी नजिक मर्स्याङदी नदिमा खसेको सवारी साधन अझै भेटिएको छैन ।

आबुँखैरेनी-४ ऐनापहरा नजिक उक्त सवारी खसेको इलाका प्रहरी कार्यालय आँबुखैरेनीले जनाएको छ । अझै पनि नदिमा खसेको सवारी बेपत्ता रहेको प्रहरीले जनाएको छ ।

आँबुखैरेनीबाट मुग्लिन तर्फ जाँदै गरेको उक्त सवारी मर्स्याङदी नदिमा बुधबार बिहान खसेको प्रहरीको अनुमान छ ।

सवारी कुन हो भनेर एकिन नभएको इलाका प्रहरी कार्यालय आबुँखैरेनीका इन्स्पेक्टर विकास थापाले जानकारी दिए । उनले भने ‘प्रारम्भिक घटना क्रमले ठुलो सवारी साधन भन्ने देखिन्छ ।’

सर्लाहीबाट एक जनाले आफ्नो डाईभरको मोबाइल अफ रहेको भनेर फोन गरेको तर अन्य कसैले पनि सम्पर्क नगरेको इस्पेक्टर थापाले जानकारी दिए ।

उक्त सवारीको खोजी गर्न कुरिनटारबाट ७ जनाको गोताखोर टोलि आएको थियो ।

पानीको वेग ठुलो र उक्त सवारी खसेको स्थान गहिरो रहेकाले गोताखोर टोलिले केहिपनि पत्ता लगाउन नसकेको प्रहरीले जनाएको छ ।

बुधबार बिहान पृथ्वी राजमार्गको आँबुखरेनी-मुग्लिन सडकखण्डको ऐना पहरा नजिक सडक छेउमा पेटी भत्किएको देखिए पछि सवारी खसेको आशंका गरेर खोजी गर्न थालिएको थियो ।

तस्बिर : बादल थकाली

आबुखैरेनीको ऐनापहरा नजिक मर्स्याङदीमा खसेर सवारी बेपत्ता, खोजी गर्न गोताखोर टोली आउँदै