File Photo
काठमाडौं उपत्यका प्रवेश गर्ने वा काठमाडौँबाट बाहिरिने व्यक्तिले अनिवार्य १४ दिन क्वारेन्टिनमा बस्नुपर्ने भएको छ। बिहीबार स्वास्थ्य मन्त्रालयका प्रवक्ता डा. गौतमले काठमाडौं प्रवेश गरेपछि १४ दिन होम क्वारेन्टिनमा वा आफ्नै खर्चमा क्वारेन्टिनमा बस्नुपर्ने बताए।
यस्तै, विदेशबाट आउनेहरूले समेत क्वारेन्टिनमा बस्नुपर्ने भन्दै क्वारेन्टिनमा बस्दा लक्षण नदेखिएको अवस्थामा परीक्षण गर्न नपर्ने डा. गौतमले बताए। डा. गौतमका अनुसार यो नियम काठमाडौं प्रवेश गर्ने र बाहिरी जिल्ला जानेहरूको हकमा समेत लागू हुने छ।
काठमाडौं बाहिर जान गन्तव्य जिल्लाको अनुमति र काठमाडौँ आउन पिसिआर नेगेटिभ अनिवार्य
काठमाडौं बाहिर जान गन्तव्य जिल्लाको जिल्ला प्रशासन कार्यालयको अनुमतिपत्र र गन्तव्यको स्थानीय निकायको सिफारिस पत्र पनि अनिवार्य गरिएको छ। निषेधाज्ञा खुकुलो बनाइएको भोलिपल्ट बिहीबार काठमाडौं जिल्ला प्रशासनले विज्ञप्ति जारी गर्दै काठमाडौं बाहिर जानेका लागि निवेदनसँगै ती कागजपत्र पेश गर्न भनिएको छ।
काठमाडौं जिल्ला प्रशासन प्रमुख जनकराज दाहालले सवारी साधन खुला गरेसँगै बाहिर जानेको लागि सहजीकरण गर्न त्यस्तो सूचना जारी गरिएको बताए। उनले काठमाडौं प्रवेश गर्नका लागि पिसिआर परीक्षण गरि नेगेटिभ आएको रिपोर्ट पेश गर्नु अनिवार्य गरिएको यसअघिको व्यवस्थालाई कायम गरिएको बताए।उनले अत्यावश्यक काम भएकालाई मात्र त्यसरी प्रवेश गर्न दिइने बताए।
जनस्तरमा बिरोध
सरकारले हचुवाको भरमा यो नियम लागू गरेको भन्दै जनस्तरमा बिरोध सुरु भएको छ । मान्छेहरु काठमाण्डौ घर भएका वा काठमाण्डौमा सधैं बस्नका लागि मात्र काठमाण्डौ जाँदैनन् । उनीहरु १÷२ दिनमा महत्वपूर्ण काम गर्न पनि गएका हुन्छन् । २ दिनका लागि काठमाण्डौ जाने मान्छे १४ दिन क्वारेन्टिन बस्नुपर्ने ? यो कस्तो नियम ? भनेर सामाजिक सञ्जालमा प्रतिक्रियाहरु दिइरहेका छन् ।
सम्बन्धित खबर
पोखरामा मधुमेह दिवस मनाइयो
माडागस्करका सेनाको एक हिस्सा जेनजी प्रदर्शनकारीको पक्षमा लागेपछि राष्ट्रपति देश छाडेर भागे
गण्डकीमा आज कोजाग्रत पूर्णिमामा सार्वजनिक बिदा
पोखरा महानगरपालिका वडा नं १५ को सार्वजनिक सुनुवाइ सम्पन्न
पोखरा १५ जारी निःशुल्क दन्त शिविर सकियो, ४५४ जनाले गरे दन्त परीक्षण
पोखरा १५ जारी निःशुल्क दन्त शिविर, दोस्रो दिन १५० जनाको परीक्षण
यो पनि पढौँ
पोखराका मेयरको घरमा आगजनी र लुटपाट गर्ने रास्वपाका वडा सभापतिसहित ४ जना कारागार चलान
कास्कीका प्रमोद ढकाललाई यौन दुरुपयोग गरेको अभियोगमा बेलायतमा २५ वर्षको जेल सजाय
प्रेमीको हत्या गरेपछि २० वर्षीया युवतीले गरिन् शवसँग बिहे
एभरग्रीन एकेडेमीका विद्यार्थीले प्रस्तुत गरे ‘कल्चरल शो’