लेखनाथ – ७६ सालको दशैं तिहारलाई बिट मारेर मंसिरको धान थन्क्याउने बेला देखि पुषको जाडो सम्म धमाधम बाटो खन्ने र सम्म्याउने काम भयो। रुख झाडीहरुलाई हटाउदै सम्म्याउदै रिसोर्टको लागि उपयुक्त जग्गा तयार भयो पोखरा महानगरपालिका २७ अर्घौं अर्चलेमा ‘थुम्को रिसोर्ट’ स्थानीय नामलाई प्राथमिकता दिंदै सो नाम नामांकन गरियो। कोरोना कहरको ठ्याक्कै २ महिना अगाडी देखि काम थालनी भएको उक्त रिसोर्टको काम देशमा शुरु भएको लकडाउनले केही समय अन्यौलमा पार्यो। सामान आपूर्ति लगभग ठप्प जस्तै भयो।
गाउँघरमा भएकाले पनि हुन सक्छ केही समय पछि उपलब्ध सामाग्रीले कामको पुन सुरुवात भयो। पुरानो संस्करणको गोलो घरको कन्सेप्ट लाई अत्याधुनिक तवरले निर्माण गरेर दुई तलामा बस्न र माथिल्लो तल्लामा भ्यु हेर्नका लागि निर्माण गरिएको छ भने ग्राहक हरुका लागि बसेर खानका लागि खरका कटेजहरु बन्दै छन्।
संचालन प्रकाश रानाभाटको एकल लगानी रहेको उक्त रिसोर्टको जग्गा उनको पैत्रिक सम्पत्ती हो। करिब ७ रोपनी क्षेत्रफलमा फैलिएको रिसोर्टको प्रारम्भिक लगानी करिब २ करोड रहेको संचालन रानाभाटले जानकारी दिएका छन्। “संसारमा कोरोना महामारी देखिए पछि हामीले रिसोर्ट लाई पहिलो, दोश्रो, तेश्रो र अन्तिम चरणमा विभाजन गर्यौं । यो निर्माणको पहिलो चरण हो, अन्य चरण देशको अवस्था र पर्यटन क्षेत्रको आवश्यकता लाई मध्य नजर गर्दै अगाडी बढ्ने छौं।” उनले भने।
अन्नपूर्ण हिमशृङ्खला अन्तर्गत माछापुच्छ्रे, अन्नपूर्ण हिमाल, धौलागिरी हिमाल, मर्दी हिमाल, पोखरा उपत्यका अन्तर्गत, पोखरा बजार, पोखरा अन्तर्राष्ट्रिय विमानस्थल, फेवा ताल, वेगनासताल, खास्टे तथा न्युरेनी ताल, सराङ्कोट डांडा कांहु, रुपाकोट, पुम्दी भुम्दि तथा भरतपोखरी डांडा सजिलै अवलोकन गर्न सकिन्छ। रातको समय शहरको बत्तिहरुले अझै मन्त्रमुग्ध गर्न कुनै कसुर छोड्दैन। पहिलो चरणको निर्माणको करिब ६० प्रतिशत काम सम्पन्न भैसकेको छ भने अन्य काम पनि धमाधम भैरहेको छ। अंग्रेज़ी नयाँ वर्ष अगावै ग्राहकलाई सेवा दिने सोच रहेको संचालक रानाभाटले बताएका छन्।
सम्बन्धित खबर
स्याङ्जाका ५६ मतदान स्थल अति संवेदनशील
सिद्धार्थ राजमार्गमा दुर्घटनापछि कुटपिट, भीरकोटका युवक प्रहरी नियन्त्रणमा
स्याङ्जाका पत्रकार न्यौपाने एनटिभीबाट सम्मानित
फेदीखोलामा चिया खाजा घरमा चोरी, एक जना पक्राउ
ट्याङ्की मर्मत गरेर फर्किने क्रममा भीरबाट खस्दा गल्याङमा एक जनाको ज्यान गयो
पुलिसलाई हराउँदै न्यू डायमण्डले जित्यो टाइगर कपको महिलातर्फको उपाधि
यो पनि पढौँ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
जनार्दनले ओलीको साथ लिएपछि गोरखामा मिलन चक्रेलाई समर्थन गर्नुपर्ने नैतिक दबाबमा बाबुराम
प्रतिभा माविमा गणित हाजिरीजवाफ
जसले संसद भवन जलायो, रास्वपाले मोरङ–२ मा उसैलाई उम्मेदवार बनायो