गण्डकी प्रदेशमा कोरोना संक्रमितको सँख्या ३ हजार ९ सय ७५ पुगेको छ ।आज ६५ जना थप भएका छन् । पोखरामा २१ जनामा संक्रमण पुष्टि भएको छ भने माछापुच्छ्र्रे गाउँपालिकामा २ जनासँगै कास्कीमा २३ जना थपिएका छन् ।

पछिल्लो चौथो विज्ञप्ति अनुसार कास्कीका ७ सहित गण्डकी प्रदेशमा थप २६ जनामा कोरोना संक्रमण पुष्टि भएको छ ।गण्डकी प्रदेश स्वास्थ्य निर्देशनालयका अनुसार प्रदेशका ४ जिल्लाका १७ पुरुष र ९ महिला गरि २६ जनामा कोरोना देखिएको हो । संक्रमण पुष्टि हुनेमा कास्कीको पोखरा महानगरपालिका ५ की ३५ वर्षीया महिला, पोखरा ६ की ३५ वर्षीया महिला, पोखरा ८ का ६५ वर्षीय पुरुष, पोखरा ११ की २४ वर्षीया महिला, पोखरा २२ का २९ वर्षीय पुरुष तथा माछापुच्छ्रे गाउँपालिका ६ का ५७ वर्षीय पुरुष र ५२ वर्षीया महिला रहेका छन ।

त्यसै गरी वागलुङको वागलुङ नगरपालिका २ का २४ वर्षीय पुरुष र १० का ३४ वर्षीय पुरुष, वरेङ २ का २१ र ३४ वर्षीय पुरुष तथा ३ का २५ वर्षीय पुरुष र ५४ वर्षीया महिला, लमजुङ दुधपोखरी २ का १९ वर्षीय पुरुष, मध्येनेपाल ६ का २२ र ४९ वर्षीय पुरुष तथा १९, ३० र ३२ वर्षीया महिला, वेसीसहर ८ का २७ वर्षीय पुरुष तथा ७ का २१, २७ र ३२ वर्षीय पुरुष, म्याग्दीको मालिका ६ का २० वर्षीय पुरुष तथा अन्नपुर्ण ६ का १८ वर्षीय पुरुष र ४५ वर्षीया महिलामा संक्रमण देखिएको निर्देशनालयले जनाएको छ ।

तनहुँमा ५ सहित प्रदेशमा थप ९ जनामा संक्रमण पुष्टि

यसअघि तेस्रो विज्ञप्तिमा गण्डकी प्रदेशमा थप ९ जनामा कोरोना संक्रमण पुष्टि भएको जनाएको थियो । क्षयरोग उपचार केन्द्र, पोखरामा गरिएको परिक्षणमा बागलुङका र तनहुँ गरि दुई जिल्ला संक्रमित थपिएका छन् ।

बागलुङ काठेखोला वडा नम्बर ३ का १ पुरुष , ७ का २ पुरुष र ५ का १ पुरुष गरि ४ जनामा संक्रमण पुष्टि भएको हो । यस्तै तनहुँ शुक्लागण्डकी वडा नम्बर ८ का २ पुरुष , वडा नम्बर ४ का १ पुरुष , वडा नम्बर ५ कि ५७ वर्षिया महिला रहेका छन् । तनहुँको एक संक्रमितको वडा खुलाइएको छैन ।

पोखराका १६ सहित प्रदेशमा थपिए १९ संक्रमित

यस्तै दोस्रो विज्ञप्ति अनसार पोखरामा महानगरपालिकामा १६ जना सहित गण्डकी प्रदेशमा १९ जना संक्रमित थपिएका छन् ।

गण्डकी प्रदेश स्वास्थ्य निर्देशनालयका अनुसार पोखरा महानगर पालिका वडा नं ३ का ४८ वर्षीय पुरुष, वडा नं १७ का ४५ वर्षीय पुरुष, वडा नं २९ का २० र ४१ वर्षीय पुरुष, वडा नं ३० का २२ र ४१ वर्षीय पुरुष, वडा नं ३१ का ११, १४, १८, १९, २६, ३४ र ६० वर्षीया महिला तथा १९, २७ र २८ वर्षीय पुरुषका कोरोना संक्रमण पुष्टि भएको हो ।

त्यस्तै स्याङ्जा जिल्ला भीरकोट नगरपालिकाका २१, २२ र २८ वर्षीय पुरुष गरी गण्डकीमा १९ जना कोरोना संक्रमण पुष्टि भएको हो ।

बिहान ११ जनामा कोरोना संक्रमण

बिहानै गण्डकी प्रदेशमा बिहान ११ जना कोरोना संक्रमित थपिए । नवलपुरको देबचुली नगरपालिका–२ का ४३ वर्षीय पुरुष, नवलपुरको कावासोती–२ का ४२ वर्षीय पुरुष, वडा नं ३ का ३० वर्षीया महिला, वडा ८ का २७ वर्षीय पुरुष, वडा नं ९ का ३५ वर्षीया महिलामा संक्रमण पुष्टि भएको हो ।

त्यस्तै बागलुङ निसीखोला–३ का २६ र ३१ वर्षीय पुरुष, वडा नं ५ का २० वर्षीय पुरुष, बागलुङ गलकोट नगरपालिका–३ का २३ वर्षीया महिला र ३५ वर्षीय पुरुष तथा वडा नं ४ का २७ वर्षीय पुरुषमा कोरोना संक्रमण पुष्टि भएको हो ।