गण्डकी प्रदेशमा कोरोना संक्रमितको सँख्या ४ हजार ४९८ पुगेको छ । पोखरामा २४ जनासहित गण्डकी प्रदेशमा आज मात्रै ९७ जना थपिएका छन् ।

पोखरामा एक कोरोना संक्रमितको मृत्यु भएको छ । पश्चिमाञ्चल क्षेत्रीय अस्पतालको कोभिड उपचार केन्द्रमा उपचाररत वृद्धको आज मृत्यु भएको हो । पोखरा महानगरपालिका वडा नम्बर १६ का ८३ वर्षीय पुरुषको उपचारका क्रममा कोरोना भाइरस संक्रमणबाट आज बिहान १० बजेर ४३ मिनेट जाँदा ज्यान गएको हो ।

असोज १३ गते कोरोना पुष्टि भएपछि केन्द्रको आइसियुमा भर्ना भएका थियो । मृतक पुरुष हाइपरटेन्सन, डाइबेटिज्, तथा मृगौलाको रोगबाट ग्रसित थिए । पोखरा स्वास्थ्य विज्ञान प्रतिष्ठानमा उपचारका क्रममा कोरोना संक्रमणबाट ज्यान गुमाउने उनी ११ औं संक्रमित रहेको प्रतिष्ठानले जानकारी दिएको छ ।

योसँगै गण्डकी प्रदेशमा कोरोनाबाट मृत्यु हुनेको संख्या ३७ पुगेको छ । मृत्यु हुनेमा कास्कीका ११, नवलपुरका ८, गोरखाका ७, तनहुँका ५, स्याङ्जाका ३, बागलुङ, म्याग्दी र लमजुङका १-१ जना छन् ।

गण्डकीमा बिहानै ९ कोरोना संक्रमित थपिए

गण्डकी प्रदेशमा बिहानै थप ९ जनालाई कोरोना संक्रमण पुष्टि भएको छ । बिहीबार स्वास्थ्य निर्देशनालयको पहिलो अद्यावधिक विज्ञप्ति अनुसार नवलपुरमा ८ र लमजुङमा १ गरी ९ कोरोना संक्रमित थपिएको विज्ञप्तिमा उल्लेख छ ।यससंगै गण्डकी प्रदेशमा कोरोना भाइरस संक्रमितको कुल संख्या ४,४१० पुगेको छ ।

पोखराका ५ सहित गण्डकीमा ३७ संक्रमित थपिए
पोखरामा ५ सहित गण्डकी प्रदेशमा थप ३७ जनालाई कोरोना संक्रमण पुष्टि भएको छ । बिहीबार स्वास्थ्य निर्देशनालयको दोस्रो अद्यावधिक विज्ञप्ति अनुसा४ जिल्लाका ३७ कोरोना संक्रमित थपिएको विज्ञप्तिमा उल्लेख छ ।

पोखरा स्वास्थ्य विज्ञान प्रतिष्ठानमा गरिएको परिक्षणमा पोखरा वडा नं ४ का २६ वर्षीय पुरुष, ६ का २५ वर्षीय पुरुष, १० का ३७ वर्षीय पुरुष, १७ का ४० र ४३ वर्षीय पुरुषमा कोरोना संक्रमण पुष्टि भएको छ ।

तनहुँमा १ जना ब्यास नगरपालिका अन्तरगत वडा नम्बर २ का ४५ वर्षीय महिलालाई संक्रमण पुष्टि भएको छ ।

क्षयरोग उपचार केन्द्र पोखरामा गरिएको परीक्षणका क्रममा बाग्लुङका १२ जनालाई संक्रमण पुष्टि भएको छ । संक्रमित गलकोट नगरपालिकाका हुन् ।

नवलपरासीका थप १९ जनालाई संक्रमण पुष्टि भएको छ । संक्रमित कावासोती, विनयत्रिवेणी तथा देवचुलीका हुन् । यस सँगै गण्डकी प्रदेशमा कोरोना संक्रमितको ४ हजार ४ सय ४७ पुगेको छ ।

कास्कीको पोखरा महानगरलालिका ३ सहित गण्डकी प्रदेशका चार जिल्लामा ३४ नयाँ कोरोना संक्रमित थपिएका छन । गण्डकी प्रदेश स्वास्थ्य निर्देशनालयका अनुसार पोखरा महानगर वडा नं ८ का ३९ र ६० वर्षीय पुरुष तथा ३८ वर्षीया महिलामा कोरोना संक्रमण देखिएको हो ।

त्यसै गरी तनहुँ रिसिङ १ का ४४ वर्षीय पुरुष, गोरखा आरुघाट ४ का ६ वर्षीया वालिका देखि ४० वर्ष उमेर सुमहका ४ महिला र १६ देखि ६५ वर्ष उमेर सुमहका ४ जना पुरुष, भिमसेन थापा ३ का २६ वर्षीय पुरुष, नवलपुर कावासोतीका ७ वटा वडाका  २२ देखि ५० वर्ष उमेर सुमहका ८ जना महिला  तथा ५ वर्षका बालक देखि ७७ वर्ष उमेर समुहका १२ जना पुरुषमा कोरोना पुष्टि भएको छ ।

यस सँगै गण्डकी प्रदेशमा कोरोना संक्रमित हुनेको सँख्या ४ हजार ४ सय ८१ पुगेको छ ।

पोखरामा थप १६ जनालाई कोरोना पुष्टि, आजै थपिए २४ संक्रमित

पोखरामा थप १६ जनालाई कोरोना संक्रमण पुष्टि भएको छ । बिहीबार स्वास्थ्य निर्देशनालयको चौथो अद्यावधिक विज्ञप्ति अनुसार पोखरामा १६ कोरोना संक्रमित थपिएको विज्ञप्तिमा उल्लेख छ । पोखरामा बिहीवार थप २४ जनामा कोरोना पुष्टि भएको छ ।

पोखरा स्वास्थ्य विज्ञान प्रतिष्ठानमा गरिएको परिक्षणमा पोखरा वडा नं २ का ३८ वर्षीय पुरुष, पोखरा वडा नं ४ का २६ वर्षीय पुरुष तथा २५ वर्षीया महिला , पोखरा वडा नं ५ का ४५ वर्षीय पुरुष, पोखरा वडा नं ६ का २५ र ४० वर्षीय पुरुष, पोखरा वडा नं ७ का ३८ वर्षीय पुरुष, पोखरा वडा नं ८ का ३४,३९, ४१ र ६० वर्षीय पुरुष तथा ३८ वर्षीया महिला, पोखरा वडा नं १० का ३७ वर्षीय पुरुष तथा ३० र ५८ वर्षीया महिला, पोखरा वडा नं ११ का ३८ वर्षीय पुरुष, पोखरा वडा नं १३ का ४६ वर्षीय पुरुष, पोखरा वडा नं १७ का ३८, ४० र ४३ वर्षीय पुरुष तथा २१ वर्षीया महिला, पोखरा वडा नं २५ का ५० वर्षीय पुरुष तथा ४३ वर्षीय महिला एवं पोखरा वडा नं २६ का २६ वर्षीय पुरुष रहेका छन् ।

यस सँगै गण्डकी प्रदेशमा कोरोना संक्रमितको ४ हजार ४ सय ९८ पुगेको छ ।