गण्डकी प्रदेशमा आज मात्रै ७५ जना कोरोना संक्रमित थपिएका छन् । गण्डकी प्रदेशमा थप २ कोरोना संक्रमितको मृत्यु भएको छ । पोखरामा २६ जना थपिएका छन् । फेवा सिटी अस्पतालमा उपचारका लागि आएका ६ जनामा कोरोना पुष्टि भएको निर्देशनालयले जनाएको छ । यससँगै गण्डकी प्रदेशमा कोरोना संक्रमितको सँख्या ४ हजार ६ सय ९२ पुगेको छ । तीमध्ये ३२ सय २७ जना निको भएका छन् । ४० संक्रमितको मृत्यु भएको छ ।

पोखरामा लगातार ३ दिन ३ जना कोरोना संक्रमितको ज्यान गएको छ । अस्ति पोखराको पश्चिमाञ्चल क्षेत्रीय अस्पताल, हिजो चरक मेमोरियल हस्पिटल र आज गण्डकी मेडिकल कलेजमा उपचाररत संक्रमितको ज्यान गएको हो ।

स्याङ्जा र नवलपुरका १र१ संक्रमित पुरुषको मृत्यु भएको प्रदेश स्वास्थ्य निर्देशनालयले जनाएको छ । योसहित गण्डकी प्रदेशमा कोरोना संक्रमणबाट मृत्यु हुनेको संख्या ४० पुगेको छ ।

स्याङ्जाको आँधिखोला गाउँपालिका ६ स्थायी ठेगाना भई बुटवल बस्दै आएका ८१ वर्षे वृद्ध र नवलपुरको गैंडाकोट नगरपालिका १ का ३६ वर्षे पुरुषको मृत्यु भएको हो ।

स्याङ्जाका संक्रमितको पोखरास्थित गण्डकी मेडिकल कलेजमा शुक्रबार राति साढे ११ बजे मृत्यु भएको निर्देशनालयले जनाएको छ । स्याङ्जाका मृतकमा मृगौला र मुटुको समस्यासँगै पिसाबमा पनि संक्रमण थियो ।

नवलपुरका संक्रमितको चितवनस्थित कलेज अफ मेडिकल साइन्समा उपचारकै क्रममा शुक्रबार दिउँसो ३ः५५ बजे मृत्यु भएको प्रदेश स्वास्थ्य निर्देशक विनोदविन्दु शर्माले जानकारी दिए । नवलपुरका मृतकको भने एक्कासि मुटुले काम गर्न छोडेको र रक्तचाप कम हुँदा रगतमा संक्रमण बढेको निर्देशनालयले जनाएको छ ।

शुक्रबार पोखरा महानगरपालिका वडा नम्बर ८ का ७८ वर्षीय वृद्धको चरक मेमोरियल अस्पतालमा उपचारका क्रममा कोरोना भाइरस संक्रमणबाट ज्यान गएको हो ।

बिहीबार पश्चिमाञ्चल क्षेत्रीय अस्पतालको कोभिड उपचार केन्द्रमा उपचाररत पोखरा १६ का ८३ वर्षीय पुरुषको उपचारका क्रममा कोरोना भाइरस संक्रमणबाट ज्यान गएको हो ।

गण्डकीमा हालसम्म मृत्यु हुनेमा कास्कीका १२, नवलपुरका ९, गोरखाका ७, तनहुँका ५, स्याङ्जाका ४, बागलुङ, म्याग्दी र लमजुङका १, १ जना छन् ।

पोखरामा १० सहित प्रदेशभर थपिए ३१ संक्रमित

पहिलो विज्ञप्ति अनुसार क्षयरोग उपचार केन्द्र र पोखरा स्वास्थ्य विज्ञान प्रतिष्ठानमा गरिएको परीक्षणमा ४ जिल्लाका ३१ जनामा संक्रमण पुष्टि भएको हो । कोरोना पुष्टि हुनेमा बागलुङका ११, कास्कीका १०, तनहुँका ७, गोरखाका ३ जना छन् । कास्कीका संक्रमित सबै पोखरा महानगरपालिकाका हुन् ।

गण्डकी प्रदेश स्वास्थ्य निर्देशनालयका अनुसार पोखरा महानगर वडा नं. ३ ओम अस्पतालमा कार्यरत ३० वर्षीया स्टाफ नर्स, ८ का ३८ वर्षीय पुरुष, १२ का ४९ वर्षीय पुरुष, १७ का ३० वर्ष उमेर समुहका ३ जना पुरुष, ३३ का ४२ वर्षीय पुरुष र वडा नखुलेका ३१ र ५४ वर्षीय पुरुष कोरोना संक्रमित भएका हुन् ।

त्यस्तै, तनहुँ व्यास ४ का ७२ वर्षीय पुरुष, तनहुँ रिसिङ २ का २० वर्षीय पुरुष र ४ का २१ र ३१ वर्षीय पुरुष, तनहुँ दुलेगौंडा जिपी कोइराला श्वासप्रस्वास उपचार केन्द्रमा कार्यरत २३ वर्षीया स्टाफ नर्स र प्रशासनमा कार्यरत २७ वर्षीय पुरुष र २९ वर्षीया महिला, गोरखा भिमसेन थापा ६ का ३१ वर्षीय पुरुष र गण्डकी ४ का २३ र ६३ वर्षीय पुरुषमा कोरोना संक्रमण भएको निर्देशनालयले जनाएको छ ।

त्यसैगरी, वागलुङ जिल्ला वागलुङ नगरपालिका १ का जन प्रतिनिधी समेत रहेका ३८ वर्षीय पुरुष र सोही वडाकी ३५ वर्षीय स्वास्थ्यकर्मी, ५ का ५५ वर्षीय पुरुष, ७ की ४६ वर्षीया महिला, ९ का २३ र ३० वर्षीय पुरुष, जैमिनी ५ का ३४ वर्षीय पुरुष, ७ की ३० वर्षीया महिला, १० का ४२ वर्षीय पुरुष, तारा खोला ३ का ३३ वर्षीय पुरुषमा कोरोना देखिएको निर्देशनालयद्वारा जारी विज्ञप्तीमा जनाइएको छ ।

पोखराका ६ सहित गण्डकी प्रदेशमा ३१ कोरोना संक्रमित थपिए

दोस्रो विज्ञप्ति अनुसार पोखराका ६ सहित गण्डकी प्रदेशमा ३१ कोरोना संक्रमित थपिएका छन् । गण्डकी प्रदेश स्वास्थ्य निर्देशनालयले कास्कीका ६ जना, म्याग्दी र लमजुङका एक–एक जना तथा नवलपुर गैंडाकोटका २३ जना गरी थप ३१ जनामा कोरोना संक्रमण पुष्टि भएको जानकारी दिएको हो ।

संक्रमण पुष्टि हुनेमा पोखरा २ का ६२ वर्षीय पुरुष, ४ की २१ वर्षीया महिला, १४ का ७७ वर्षीय पुरुष, १५ का ५१ वर्षीय पुरुष, १९ का २३ र ४८ वर्षीय पुरुष, म्याग्दी वेनीकी ५४ वर्षीया महिला तथा लमजुङ सुन्दर वजार ९ का ४९ वर्षीय पुरुष रहेका छन ।

पोखराका १९ का २३ वर्षीय पुरुष बाहेकका ५ जना र म्याग्दीकी महिला फेवा सिटी अस्पतालमा उपचारका लागि आएका विरामीहरु रहेका निर्देशनालयले जनाएको छ ।

त्यस्तै, नवलपुर गैंडाकोटका ८ वटा वडाका २१ देखि ६५ वर्ष उमेर सुमहका १३ पुरुष तथा २० देखि ६७ उमेर समुहका २० जना महिलामा कोरोना संक्रमण पुष्टि भएको निर्देशनालयले जनाएको छ ।

पोखरामा १० सहित १३ थप

आजको तेस्रो विज्ञप्ति अनुसार पोखराका १० सहित प्रदेशमा १३ थना थप भएका छन् । गोरखा, स्याङ्जा र पर्वतका १–१ जना रहेका छन् ।

पोखरामा थप हुनेहरुमा पोखरा १३ का १७ वर्षीया महिला, वडा नखुलेका ३१ वर्षीय पुरुष, वडा नं. २६ की २६ वर्षीया महिला, वडा नं. ७ का ३१ र ६० वर्षका पुरुष, वडा १ का ३७ वर्षीय पुरुष, १७ का ४२ वर्षीय पुरुष, वडा नखुलेका २९ र ३५ वर्षीया महिला, वडा १० का २४ वर्षीया महिला रहेका छन् ।

यस्तै, स्याङ्जा चापाकोट ८ का ५१ वर्षीय पुरुष, पर्वत कुश्मा १० का ३० वर्षीय पुरुष, गोरखा पालुङटार ७ की २५ वर्षीया महिला रहेका छन् ।