गण्डकी प्रदेशमा संक्रमितको संख्या ठ्याक्कै ५ हजार १ सय पुगेको छ । आज पोखरामा ५२ जना सहित प्रदेशभर १२९ जनामा कोरोना पुष्टि भएको छ । गण्डकी प्रदेश स्वास्थ्य निर्देशनालयले ३ वटा विज्ञप्ति जारी गर्दै समग्रमा १२९ जनामा कोरोना पुष्टि भएको जनाएको हो । गण्डकी प्रदेशमा मंगलबार थप १ सय ३० जना डिस्चार्ज भएसँगै प्रदेशमा कोरोना संक्रमण मुक्त हुनेको संख्या ३ हजार ४ सय ४९ पुगेको छ ।

पोखराका पत्रकारहरुमा संक्रमण तीब्र बनेको छ । अहिलेसम्म झण्डै दर्जन पत्रकारहरु संक्रमित भइसकेका छन् । यसमध्ये ७ जनाले आफ्नो स्वास्थ्य अवस्था सार्वजनिक गरेका छन् । आज २ जना पत्रकारहरुमा संक्रमण पुष्टि भएको छ । नेपाल पत्रकार महासंघ गण्डकीका अध्यक्ष त्रिभुवन पौडेलले आफूमा कुनै लक्षण नभएको तर पोजिटिभ नतिजा आएको सार्वजनिक गरेका छन् । प्रायः फोटो पत्रकारहरुमा संक्रमण देखिएको छ ।

पछिल्लो तेस्रो विज्ञप्ति अनुसार एकैपटक ७६ जनामा संक्रमण देखिएको छ । पोखराका १७ जनामा पुष्टि भएको छ । दोस्रो विज्ञप्ति अनुसार पोखरा महानगरपालिकाका १७ र तनहुँका २ जना गरी गण्डकी प्रदेशमा थप १९ जनामा कोरोना संक्रमण पुष्टि भएको छ ।

पहिलो विज्ञप्ति अनुसार संक्रमण पुष्टि हुनेमा पोखराका १८ जना छन् । पोखराको मणिपाल अस्पतालमा उपचाररत २६ वर्षीय पुरुष, चरक मेमोरियल हस्पिटलमा उपचाररत ४२ वर्षीय पुरुष तथा गण्डकी मेडिकल कलेजमा उपचाररत ३२, ३६, ३८ र ७० वर्षीय पुरुष तथा २३ वर्षीया महिला रहेका छन् ।

त्यसैगरी, पोखरा महानगर वडा नं. १ की १ महिला, २ का १ पुरुष, ३ का २ पुरुष र १ महिला , ५ का ३ पुरुष ७ का ६ पुरुष र १ महिला, ९ का २ पुरुष र २ महिला, १० का १ पुरुष २ महिला, ११ का २ पुरुष, १३ का पुरुष, १४ का २ पुरुष, १५ का १ पुरुष र १ महिला, १७ का ४ पुरुष, १९ का २ पुरुष, २० की एक महिला, २४ का १ पुरुष, २५ का एक पुरुष, २५ का १ पुरुष, २७ की १ महिला, ३० का १ पुरुष, ३१ का १ पुरुष तथा वडा नखुलेका ५ वर्षीय पुरुषमा कोरोना पुष्टि भएको छ ।

लमजुङ मध्येनेपाल र सुन्दरबजारका १–१ जना पुरुष, लमजुङ दोर्दी गाउँपालिका स्थित लिवर्टी हाइड्रोपावरमा कार्यरत २४ पुरुष र ३ महिला, स्याङजा चापकोटका १० पुरुष तथा ४ महिला, वालिङ १ का एक पुरुष, ९ का एक पुरुष, १० का एक पुरुष, पर्वत जलजला ८ का एक पुरुष, कुश्मा १ का एक पुरुष र मनाङ चामेकी एक महिलामा कोरोना देखिएको छ।

तनहुँ शुक्लागण्डकी ५ की एक महिला, सोही नगरपालिका अन्तरगत ठेगाना नखुलेका ३ वर्षीय बालक र एक महिनाकी बालिका, भिमाद ६ का तिन महिला र चार पुरुष, व्यास ११ का एक पुरुष, व्यास २ का तिन पुरुष र तिन महिला, ३ का तिन पुरुष र चार महिला, ४ का एक महिला र एक पुरुष, आँवुखैरेनी ३ का एक १२ वर्षीय बालक र वन्दीपुर १ की एक महिलामा कोरोना संक्रमण पुष्टि भएको छ ।