गण्डकी प्रदेशमा आज अहिलेसम्मकै उच्च संक्रमित थप भएका छन् । एकै दिन थपिए १६९ जना थपिएका हुन् । पोखरामा ३५ थप भएभने नवलपुरमा ५८, म्याग्दीमा ४, तनहुँमा ११, गोरखामा ७, लमजुंगमा ३ र बाग्लुंगमा ५१ जना थपिए । यससँगै प्रदेशभर ५३ सय ५६ संक्रमित पुगेका छन् ।

पोखरामा बिहानै ३० सहित गण्डकी प्रदेशमा ९७ जनालाई कोरोना भाइरस संक्रमण पुष्टि भएको छ। पहिलो विज्ञप्ति अनुसार क्षयरोग उपचार केन्द्र, पोखरामा गरिएको परिक्षणमा गण्डकी प्रदेशमा ५ जिल्लाका ९७ जनामा संक्रमण पुष्टि भएको हो । कास्कीका संक्रमित सबै पोखरा महानगरपालिकाका हुन् ।

पोखरा महानगरका ३० जना, लमजुङका ३ जना, नवलपुरका ६ जना, गोरखाका ७ जना र बागलुङ ५१ जना गरी थप ९७ जनामा कोरोना संक्रमण पुष्टि भएको छ ।

तनहुँका ११ जनामा कोरोना पुष्टि, व्यास नगरपालिकाका मात्रै १० जना
तनहुँमा ११ जना कोरोना संक्रमित थपिएको छ ।दोस्रो विज्ञप्ति अनुसार जिल्लाको व्यास नगरपालिकाका १० जना र तेस्रो विज्ञप्तिमा ठेगाना नखुलेको एक जना गरि ११ जनामा कोरोना संक्रमण पुष्टि भएको हो ।

तनहुँ जिल्ला व्यास नगरपालिका वडा नम्बर १ मा २ पुरुष र १ महिला , वडा नम्बर २ मा १ पुरुष , वडा नम्बर ५ मा १ जना पुरुष , वडा नम्बर ४ मा ४ जना महिला र १ पुरुषमा संक्रमण पुष्टि भएको हो ।

पोखरामा मात्रै फेरि ५ जना थप भए । तेस्रो विज्ञप्तिमा पोखराका ४ पुरुष र १ महिला थप भएका हुन् ।संक्रमण पुष्टि हुनेहरुमा पोखरा महानगरको वडा नं। ३ का एक पुरुष, १० की एक महिला, ११ का दुई पुरुष, पोखराको वडा नखुलेका एक पुरुष तथा तनहुँको पालिका नखुलेकी एक महिला रहेका छन् ।

चौथौ विज्ञप्तिमा नयाँ ४ जना संक्रमितहरु थप भए । पाँचौ विज्ञप्ति अनसार नवलपुरका ५२ जनामा एकैसाथ कोरोना पुष्टि भयो ।