पोखरा । पोखरा क्षेत्रीय अन्तर्राष्ट्रिय विमानस्थल निर्माण एकै रफ्तारमा भईरहेको छ । राष्ट्रिय गौरवको आयोजनाको रूपमा रहेको यस विमानस्थलको निर्माण सुरुभएको सात महिनामा ६ प्रतिशत भौतिक काम सम्पन्न भएको छ ।
विमानस्थलका इन्जिनियर सञ्जीव खड्काका अनुसार विमानस्थल क्षेत्रमा यतिवेला पहिलो चरणको निर्माणअन्तर्गत विमानस्थलले ओगट्ने भूभाग सम्याउने काम भइरहेको छ । विमानस्थलको चिनियाँ निर्माण कम्पनी सिएएमसीले गत १८ साउनदेखि निर्माण थालेको थियो ।
यस्तो बन्नेछ पोखरा विमानस्थल
.
.
.
बहुप्रतिष्ठित पोखरा क्षेत्रीय अन्तर्राष्ट्रिय विमानस्थल निर्माण प्रक्रिया चलिरहेको बेला प्रतिनिधिसभा सांसद रविन्द्र अधिकारीले पनि विमानस्थल क्षेत्रको निरीक्षण गरिसकेका छन् । विमानस्थल निर्माणका लागि सहयोग गर्न गठित उच्चस्तरीय सहयोग समितिका संयोजक भएर लामो समय अगुवाई गरेका सांसद अधिकारीले अब स्थायी सरकारसँगै निर्माण कार्यले तिब्रता पाउने बताए ।
https://www.facebook.com/gandaknews/videos/768872076638380/
मंगलबार प्रदेश–४ का नवनियुक्त आन्तरिक मामला तथा कानुनमन्त्री हरिबहादुर चुमान विमानस्थल पुगेर निर्माण प्रक्रियाकाबारे जानकारी लिएका छन् । विमानस्थल निर्माण सबैको चासोको विषय बनेको भन्दै मन्त्री चुमानले तोकिएको समयभित्र निर्माण कार्र्यसम्पन्न गर्न आयोजना प्रमुखलाई निर्देशन दिए । तोकिएकै समयमा विमानस्थल निर्माण सम्पन्न भए पर्यटनमार्फत यस क्षेत्रको आर्थिक समृद्धिमा टेवा पुग्ने चुमानले बताए ।
निर्माण थालिएको ७ महिनामा ६ प्रतिशत काम सम्पन्न भएको पोखरा विनानस्थलका आयोजना प्रमुख बिनेस मोनकर्मीले जानकारी दिए । कम्पनीले यतिवेला विमानस्थल निर्माणपूर्व अति आवश्यक आधारभूत माटो र ग्राउन्डसम्बन्धी काम गरिरहेको छ । त्यसमा विमानस्थलको रनवे, ट्याक्सी वे, एप्रोन, टर्मिनल भवनलगायत अन्य संरचना बनाउनुअघि माटो काट्ने र सम्याउने काम दु्रत रूपमा अगाडि बढेको छ । अन्य भौतिक संरचना बनाउनुअघि माटो र भूबनोट (जमिन) को कामलाई प्राथमितकातामा राखिएको छ ।
पहिलो चरणमा जमिनको लेभलिङ र सम्याउने काम चिनियाँ ठेकेदार कम्पनी सिएएमसिईमार्फत काम भइरहेको आयोजना प्रमुख मोनकर्मीले बताए । ‘सिएएमसिईले करिब ६ प्रतिशत काम सकिसकेको छ’, उनले भने । ‘वैशाखपछि पूर्वाधार निर्माणको कामले गति लिनेछ ।’ जेठ महिनाभित्र ८० प्रतिशन जमिन सम्याउने काम सक्ने योजना रहेको उनले बताए ।
निर्माण कार्यमा अहिले चिनियाँ ५० र नेपाली १ सय ५० गरी करिब दुई सय जना कामदारले काम गरिरहेका छन् । जमिन सम्याउनका लागि ट्रिपर २६, एक्साभेटर ६, डोजर तनि र रोलर चार वटा प्रयोग भइरहेका छन् । ‘निर्माणलाई थप तीव्रता दिन चीनबाट ल्याइएका थप ४० वटा ट्रिपर, रोलर, एक्साभेटर, डोजर लगायतका निर्माण सामग्री भारतको कोलकाता बन्दरगाहमा आइसकेको आयोजना प्रमुख मुनकर्मीले बताए ।
कम्पनीले कुनै बाधा व्यवधान नभए तोकिएको समयभन्दा ६ महिनाअघि नै विमानस्थल निर्माणको काम पूरा गरेर नेपाल सरकारलाई हस्तान्तरण गर्ने योजना रहेको जनाएको छ ।
सरकारले सन् २०१४ मे मा चिनियाँ ठेकेदार कम्पनी सिएएमसिईलाई ठेक्का दिएको थियो । नेपाल सरकार र चिनियाँ कम्पनीबीच विमानस्थल निर्माण तोकिएको समयमा नसके कम्पनीले क्षतिपूर्ति तिर्ने सहमति भएको छ । विमानस्थल इपिसी मोडलमा निर्माण गरिनेछ ।
कम्पनीले २०२१ को जुलाई १० मा विमानस्थल सम्पन्न गरी नेपाल सरकारलाई हस्तान्तरण गर्नुपर्नेछ । चिनियाँ एक्जिम बैंकको झन्डै २२ अर्ब रुपैयाँ ऋण सहयोगमा विमानस्थल निर्माणको काम अगाडि बढेको हो । पोखराको वडा नं १४ र १८ मा पर्ने झन्डै ३७ सय रोपनी क्षेत्रफलमा अन्तर्राष्ट्रिय विमानस्थल निर्माण कार्य भइरहेको छ । सरकारले ०३१ मा ३७ सय रोपनी र हाल ५ सय २१ रोपनी जग्गा अधिग्रहण गरेको हो ।
अन्तर्राष्ट्रिय उड्डन संस्था (आइकाओ) को मादण्डअनुसार फोरडी मोडलमा निर्माण हुने विमानस्थलमा बोइङ–७५७ र एयरबस–३२० का जहाज अवतरण हुनेछन् । विमानस्थलको धावनमार्ग २५ सय मिटर लम्बाइको हुनेछ ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग