पोखरा – बिहीबार पोखराका ४६ सहित गण्डकीमा थप ८२ जनामा कोरोना पुष्टि भएको छ । प्रदेश स्वास्थ्य निर्देशनालयद्वारा आज जारी विज्ञप्ति अनुसार गण्डकीका ३८८ जनामा गरिको परीक्षण मध्ये थप ८२ जनाको रिपोर्ट कोरोना पोजेटिभ आएको हो ।

आज थपिएका संक्रमित प्रदेशका  १० जिल्लाका छन् ।जसअनुसार पोखरा महानगरका ४६ जना, तनहुँका ७ जना, गोरखाका २ जना, लमजुङका १० जना, नवलपुरका ७ जना, स्याङ्गजाका ४ जना, पर्वतका १ जना, म्याग्दीका १ जना, मनाङका १ जना र मुस्ताङ जिल्लाका थप ३ जनामा कोरोना पुष्टि भएको छ ।

लामो समय संक्रमित रहीत रहेको मनाङमा बिहीबार पुनः एकजनामा कोरोना पुष्टि भएको छ । आज पुष्टि भएका संगै गण्डकीमा कोरोना संक्रमितको कूल संख्या १३ हजार ६ सय ६५ पुगेको छ । जसमा सक्रिय संक्रमितको संख्या १ हजार ५ सय ६४ रहेको छ ।

पछिल्लो २४ घन्टामा गण्डकीबाट १४९ जना कोरोनामुक्त भएका छन् । यो संगै, कोरोना संक्रमणबाट निको हुनेको संख्या ११ हजार ९ सय १४ पुगेको छ।

बिहीबार गण्डकीमा थप एकजनाको मृत्यु पुष्टि भएको छ । मृतक कास्की जिल्ला अन्नपूर्ण गाउँपालिका -३ निवासी ६८ वर्षीय कोरोना संक्रमित पुरुष रहेका छन् । यो संगै, गण्डकीमा कोरोना संक्रमणका कारण ज्यान गुमाउनेको संख्या १८७ पुगेको निर्देशनालयले जनाएको छ ।