कोरोनाका कारण गण्डकी प्रदेशको प्रदेशसभा सञ्चालन नपिुरबाट पोखरा सभागृह स्थानान्तरण गेको थियो । पोखरा महानगरपालिका कार्यालयको अनुमतिमा प्रदेश सरकारले मर्मत सम्भार गरी हल प्रयोग गर्दै आएको थियो । अहिले प्रदेशसभा अधिवेशन डाकिएको छैन । हल खाली नै छ । तर, प्रदेशसभा चलुञ्जेल अन्य प्रयोजनका लागि हल खुल्ला भउको छैन । ब्यानर प्रदेशसभा नै छ ।

प्रदेश सभा बाहेकका अन्य कार्यक्रमहरु संचालन हुँदा नगरपालिकामा अनुमति लिएर तोकिएको शुल्क तिरेर मात्र हल प्रयोग गर्नुपर्ने व्यबस्था रहेको छ । प्रधानमन्त्री केपि शर्मा ओली निकट युवा समूहले भने शुक्रबार कसैसँग अनुमति नै नलिईकन पोखरा सभागृहमा सभा प्रयोग गरे ।

महानगरका प्रशासन शाखाका अधिकृत भरतराज पौडेलले यसबारे आफूलाई केही थाहा नभएको बताए । हल प्रयोग गर्न दिने स्वयंम प्रदेश सरकारका मूख्यमन्त्री पृथ्वीसुब्बा गुरुङ नै हुन् । उनीसहित पूर्व मन्त्रीहरु खगराज अधिकारी ,महेश बस्नेत, प्रदेश सांसद राजिव पहारी लगायतको नेता कार्यकर्ताले प्रदेशसभाकै ब्यानर पछाडि बोले ।

प्रदेस सभाका सदस्य दीपक कोइरालाले प्रदेश सभाको ब्यानरसम्म पनि नहटार्इ प्रदेससभाको रोस्टम प्रयोग गरेर राजनीतिक कार्यक्रम गर्नु जनप्रतिनिधि संस्था माथिको घोर अपमान भएको उललेख गरेका छन् । उनले यो अपमानको नेतृत्व गर्ने मुख्यमन्त्रीले कस्तो संस्कार बसाल्न खोज्दै हुनुहुन्छ ? भनेर प्रश्न पनि गरेका छन् । साथ दिने सांसदहरु कम्तिमा आफै अपमानित हुने काम नगर्न पनि आग्रह गरेका छन् ।